06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Տեղական արտադրությունը չի տուժում․ փոխնախարարը՝ Իրանից ներկրվող ապրանքների մասին. ՏԵՍԱՆՅՈՒԹ
Տնտեսություն
12.04.2021 | 11:24
ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում պատգամավոր Էդվարդ Անդրեասյանը ՀՀ էկոնոմիկայի նախարարի տեղակալ Վարոս Սիմոնյանից հետաքրքրվեց՝ ի՞նչ միջոցներ են կիրառվում տեղական արտադրողին պաշտպանելու համար:
Սիմոնյանի խոսքով՝ սաստիկ ձմռան պատճառով ջերմոցատերերը շատ գազ են օգտագործել, ինչի հետևանքով բերքի ինքնարժեքը բավականին թանկ է: Ջերմոցատերերը խնդիր ունեն նաև Իրանից և Թուրքիայից ներմուծվող լոլիկի ու բիբարի հետ կապված:
Փոխնախարարը վստահեցրեց, որ այս տարվա հունվարի մեկից՝ Թուրքիայից Հայաստան որևէ տեսակի գյուղատնտեսական ապրանք չի ներմուծվել: Իսկ ԻԻՀ-ից ներմուծումների առնչությամբ նշեց, որ ՊԵԿ-ի համապատասխան հաշվարկների համաձայն՝ մաքսազերծումն այն գների հիման վրա է իրականացվում, որ տեղական արտադրությունը չտուժի և գտնվի շահեկան վիճակում:
«Խնդիրն այն է, որ ապրանքի գինը բարձրացել է զուտ ծախսի տեսանկյունից, բայց ներմուծվող ապրանքը չի կարող լինել ավելի շահեկան վիճակում: Մենք ունենք համապատասխան գործիքակազմ` պաշտպանելու տեղական արտադրողին»,- նշեց փոխնախարարը:
