17.09.2026 | 12:10
Թրամփը հայ հոգևոր առաջնորդների է ընդունել // Նիագարայի ջրվեժը ՀՀ դրոշի գույներով կլուսավորվի․ ԼՈՒՐԵՐ
Հնդկաստանը կորոնավիրուսով վարակակիրների թվով առաջ է անցել Բրազիլիային․ երկրում շարունակվում են զանգվածային կրոնական ծեսերը
Քաղաքականություն
12.04.2021 | 14:33
Համաձայն Հնդկաստանի առողջապահության նախարարության տվյալների՝ Հնդկաստանը կորոնավիրուսով վարակակիրների թվով առաջ է անցել Բրազիլիային՝ ԱՄՆ-ից հետո դառնալով համաճարակից ամենաշատ տուժած երկրների շարքում երկրորդը, գրում է Reusters-ը:
Լրատվական գործակալության ուսումնասիրության հիման վրա՝ հայտնի է դարձել, որ Հնդկաստանում վարակի տարածման սկզբից ի վեր գրանցվել է վարակման 13,53 միլիոն դեպք, Բրազիլիայում այդ թիվը կազմում է 13,45 միլիոն։
Փորձագետները նշում են, որ անցյալ տարվա լոքդաունից հետո տնտեսության ամբողջական բացումը, զանգվածային կրոնական միջոցառումներն ու նահանգներում նախընտրական քարոզարշավը վատացրել են երկրում ստեղծված իրավիճակը։
Հյուսիսային Հարիդվար քաղաքում գրեթե մեկ միլիոն հավատացյալներ էին հավաքվել սուրբ համարվող Գանգես գետի ափին՝ միանալու ամիսներ տևող «Կումբհ մելա» կամ սափորների փառատոնին ՝ վտանգելով վարակի տարածումը:
«Ամբոխը գնալով ավելանում էր … ոստիկանությունից շարունակաբար դիմում էին մարդկանց`պահանջելով պահպանել սոցիալական հեռավորությունը», – այս մասին Reuters- ին ասել է ոստիկանության աշխատակից Սանջայ Գյունջյալը:
Տաթև Ֆռանգյան
