09.06.2026 | 21:50
«Թալիբան»-ն Աֆղանստանի պետական ծառայողներին արգելել է սմարթֆոններ օգտագործել
Իրանի միջուկային օբյեկտի էլեկտրաէներգիայի բաշխման ցանցում գրանցված պայթյունի հետևում կանգնած է Իսրայելը․ The New York Times
Քաղաքականություն
12.04.2021 | 11:44
Իրանի Նաթանզ քաղաքում գտնվող միջուկային օբյեկտի էլեկտրաէներգիայի բաշխման ցանցում տեղի ունեցած վթարի պատճառը իսրայելական կողմի կազմակերպած պայթյունն էր, գրում է The New York Times– ը ՝ վկայակոչելով իր աղբյուրներին:
Հրապարակման մեջ ասվում է, որ «էլեկտրաէներգիայի անջատումն ակնհայտորեն առաջացել է դիտավորյալ ծրագրված պայթյունի պատճառով»:
Ինչպես նշում է թերթը, ամերիկյան և իսրայելական հետախուզության սպաները «հայտնել են, որ Իսրայելը պայթյունների հարցում դեր է խաղացել»:
Նշվում է, որ վնասը «պատճառվել է հզոր պայթյունի հետևանքով, այն ամբողջությամբ ոչնչացրել է անկախ և ուժեղ հսկողության տակ գտնվող ներքին էներգետիկ համակարգը, որն ապահովում է ուրանի հարստացման ստորգետնյա ցենտրիֆուգների աշխատանքը»:
Թերթի աղբյուրների պնդմամբ՝ խոսքը գնում է «իսրայելական գաղտնի օպերացիայի մասին»: Պայթյունը մեծ հարված է հասցրել ուրանի հարստացման Իրանի կարողություններին: Հոդվածում ասվում է, որ Նաթանզում աշխատանքները վերսկսելու համար կարող է պահանջվել առնվազն 10 ամիս:
Հավելենք, որ Իրանի «Ատոմային էներգիա» կազմակերպությունից կիրակի առավոտյան հայտնել էին, որ Նաթանզի միջուկային կառույցում վթար է տեղի ունեցել: Ավելի ուշ երկրի փոխնախագահ Ալի Աքբար Սալեհին հայտնել էր, որ միջադեպը «միջուկային ահաբեկչության» դրսևորում է:
Տաթև Ֆռանգյան
