18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ԵԽ նախագահը կորցրել է քունը Թուրքիայում տեղի ունեցած տհաճ միջադեպի պատճառով
Քաղաքականություն
10.04.2021 | 19:49
Եվրախորհրդի նախագահ Շառլ Միշելը խոստովանել է, որ գիշերները չի կարողանում հանգիստ քնել Անկարայում տեղի ունեցած միջադեպի պատճառով. այս մասին հայտնում է news.ru-ն:
«Չեմ թաքցնում, որ այդ ժամանակից ի վեր ես գիշերները լավ չեմ քնում, քանի որ այս տեսարանները անընդհատ պտտվում են գլխումս: Վախենում էի, որ եթե ինչ-որ կերպ արձագանքեմ, ապա շատ ավելի լուրջ միջադեպ կհրահրեմ»,- ասել է Շառլ Միշելը:
Հիշեցնենք, որ Միշելը Եվրահանձնաժողովի առաջին կին նախագահ Ուրսուլա ֆոն դեր Լայենի հետ Թուրքիայում հանդիպել էր նախագահ Ռեջեփ Թայիփ Էրդողանի հետ: Սակայն եռակողմ հանդիպման սենյակում, որտեղ նաև արարողակարգային տեսանկարահանում և լուսանկարահանում պետք է տեղի ունենար, տեղադրված էր միայն երկու աթոռ, որոնց վրա նստեցին Միշելն ու Էրդողանը: Եվրահանձնաժողովի նախագահը, անակնկալի եկած, ստիպված եղավ տեղ զբաղեցնելու նրանցից ավելի հեռու՝ բազմոցին:
«Եթե հնարավոր լիներ, ես հետ կգնայի և կշտկեի իրավիճակը»,- հայտարարել է ԵԽ նախագահը:
