15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Թուրքիայի ներքաղաքական դրության վերաբերյալ Եվրախորհրդարանի որոշումը
Քաղաքականություն
09.02.2018 | 14:06
Եվրախորհրդարանը (ԵԽ) եկել է այն եզրակացության, որ Թուրքիայում դեռևս պահպանվող արտակարգ դրությունը նպատակ ունի ճնշել երկրի ընդդիմությանը, սահմանափակել խոսքի և մտքի ազատությունը. փոխանցում է EH-ն:
Ըստ «Sputnik» լրատվամիջոցի թուրքական ծառայության՝ ԵԽ-ն քննարկում է անցկացրել «Թուրքիայում մարդու իրավունքների դրությունը» թեմայով: Քննարկումից հետո Թուրքիայի ներքաղաքական ներկայիս վիճակը դատապարտող որոշում է ընդունվել:
Որոշման մեջ ասվել է, որ ԵԽ-ն խորապես մտահոգված է Թուրքիայում օրենքի գերակայության բացակայությամբ: Դրա հետևանքով սահմանափակվում է երկրում խոսքի և մտքի ազատությունը, ճնշումներ են գործադրվում մեդիա կառույցների, լրագրողների նկատմամբ: Ընդ որում շեշտվում է, որ դրությունը գնալով վատարանում է:
Որոշման մեջ պահանջվել է ազատ արձակել այն լրագրողներին և քաղաքական գործիչներին, որոնք Թուրքիայի իշխանությունների քմահաճույքով են հայտնվել անազատության մեջ:
Հիշատակվել են այն լրագրողները, որոնք կալանավորվել են այն բանի համար, որ դժգոհ են Սիրիայում Թուրքիայի ռազմական գործողություններից:
Եվրախորհրդարանի պատգամավոր, Թուրքիայի հարցով զեկուցող Քեթի Փիրին մասնավորապես ասել է.
«Անշուշտ, Թուրքիան իրավունք ունի պատասխանատվության ենթարկել 2016թ. ռազմական հեղաշրջման փորձի կազմակերպիչներին: Սակայն այս պահին արտակարգ դրությունը օգտագործվում է ընդդիմադիր զանգվածներին լռեցնելու համար»:
Վերոնշյալ որոշումն արդեն դատապարտվել է Թուրքիայի արտաքին գործերի նախարարության կողմից: Պաշտոնական Անկարայի կարծիքով՝ ԵԽ-ն նման որոշում ընդունելիս կիրառել է «երկակի չափորոշիչներ»:
