26.08.2026 | 12:40
Պակիստանում ծննդատանը հրդեհի հետևանքով առնվազն 14 նորածին է մահացել
Չինաստանը 1 ամսով դադարեցրել է Թուրքիայի հետ ավիահաղորդակցությունը
Քաղաքականություն
07.04.2021 | 13:21
Չինաստանի քաղաքացիական ավիացիայի վարչությունը (CAAC) հայտարարել է, որ ապրիլի 19-ից մեկ ամսով դադարեցնում է Turkish Airlines-ի կողմից իրականացվող բոլոր թռիչքները `փորձելով կասեցնել COVID-19- ի տարածումը, գրում է Ahval-ը:
Նման որոշման պատճառը մարտի 24-ին Turkish Airlines ավիաընկերության TK 72 չվերթն իրականացրած ինքնաթիռի 14 ուղևորների մոտ COVID-19 հիվանդության հայտնաբերումն է։
Թուրքիայում վերջին շաբաթների ընթացքում կտրուկ ավելացել է կորոնավիրուսով վարակումների թիվը։ 24 ժամվա ընթացքում հայտնաբերվել է 42,551 վարակման նոր դեպք, մահվան դեպքերի թիվը մեկ օրում հասել է 193-ի։
Չինաստանը չվերթները դադարեցրել է նաև Ռուանդայի ու Էթովպիայի հետ։
Տաթև Ֆռանգյան
