Լավրովը հնարավոր է համարել Մեծ Եվրասիական գործընկերությանը ԵՄ անդամակցությունը

Մեծ Եվրասիական գործընկերությունը բաց է Եվրամիության համար, հայտարարել է Ռուսաստանի արտգործնախարար Սերգեյ Լավրովը պակիստանյան News International հրատարակությանը տված հարցազրույցում, գրում է ՌԻԱ Նովոստին:

«Ռուսաստանի Դաշնության նախագահ Վլադիմիր Պուտինի` Մեծ եվրասիական տարածք ստեղծելու նախաձեռնությունը խթանում է միավորման օրակարգը: Դրան մասնակցելը բաց է մայրցամաքի բոլոր պետությունների, այդ թվում `Եվրասիական տնտեսական միության (ԵՏՄ), Շանհայի համագործակցության կազմակերպության (ՇՀԿ), Հարավարևելյան Ասիայի պետությունների ասոցիացիայի (ՀԱՊԱ) անդամների, ինչպես նաև, եթե ցանկանում են, Եվրամիության համար», – ասել է նա:

Նախարարի խոսքով՝ այս նախաձեռնության իրականացումը ոչ միայն կամրապնդի  փոխկապակցվածությունը և կբարձրացնի մասնակիցների մրցունակությունը, այլ նաև կօգնի խաղաղության և կայունության համամայրցամաքային տարածքի կառուցմանը:

Լավրովը շեշտել է, որ Ռուսաստանը շահագրգռված է Եվրասիայում Պակիստանի, Հնդկաստանի և այլ գործընկերների հետ փոխգործակցության ամրապնդման հարցում, քանի որ կան ընդհանուր շահեր` անվտանգության ապահովում և կյանքի որակի բարելավում:

Պուտինը Մեծ Եվրասիական գործընկերություն ստեղծելու գաղափարով է հանդես եկել դեռևս 2016 թվականին։ Ըստ նրա ՝ գործընկերության մասնակից կարող են դառնալ ԵՏՄ երկրները, պետությունները, որոնց հետ Ռուսաստանը սերտ հարաբերություններ է զարգացրել ՝ Չինաստան, Հնդկաստան, Պակիստան, Իրան և ԱՊՀ  երկրները, ինչպես նաև այլ պետություններ և ասոցիացիաներ:

Տաթև Ֆռանգյան