19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Երկու տարի ա չգիտենք ինչի մեջ ենք մեղադրվում, գոնե վերջում իմանանք ինչի՞ ենք դատվում. Ներսես Պողոսյանը` դատավորին
Հասարակություն
09.02.2018 | 12:33
Ժիրայր Սեֆիլյանի և մյուսների գործով դատական նիստին այսօր մեղադրող Հակոբ Ենոքյանը հանդես է գալիս մեղադրական ճառով: Նիստի մեկնարկին ներկա չէին Գևորգ Սաֆարյանն ու նրա պաշտպան Տիգրան Եգորյանը:
Փաստաբան Տիգրան Հայրապետյանը միջնորդեց ներս բերել Գևորգ Սաֆարյանին, հակառակ դեպքում նիստերի դահլիճից կհեռանա Ժիրայր Սեֆիլյանը: Դատավորը միջնորդությունը չբավարերց, Սեֆիլյանը լքեց դահլիճը՝ դատավորին ժողովրդի ճորտ անվանելով: Ամբաստանյալ Ներսես Պողոսյանն էլ հայտարարեց, որ երկու տարի է դատարանում են՝առանց իմանալու ինչու. «Ողջ դատավարության ընթացքում չիմացանք ինչի համար եք մեղադրում գոնե վերջում իմանանք, թե ինչի են դատում: Եթե տենց ա բոլորս դուրս ենք գալու: Իմ երեխեքը երկու տարի ա առանց հեր են մնացել չգիտեմ ինչու»:
Պողոսյանը և մյուս ամբաստանյալները փորձեցին լքել դահլիճը, փաստաբաններն ու հանրային պաշտպան Աննա Ջուվանովնան միջնորդեցին, որպեսզի ներս բերվեն Սաֆարյանն ու Սեֆիլյանը: Դատավորը նիստի բոյկոտը կանխարգելելու համար թույլատրեց ներս բերել նրանց:
Մեղադրողը սկսեց հրապարակել ճառը: Նա նշեց, որ ապացույցներով հաստատվել է, որ Ժիրայր Սեֆիլյանը և մյուսները փորձել են զանգվածային անկարգությունների գնալ. «Սադրիչ տարատեսակ ելույթներ են ունեցել, համացանցում կոչեր և թռուցիկներ են բաժանել՝ հրավիրելով Ծիծեռնակաբերդի խճուղի չթույլատրված հավաքների»:
Ժիրայր Սեֆիլյանը, ըստ մեղադրողի, խմբեր է ստեղծել, որոնք ցանկացել են տարբեր շենք-շինություններ զավթել և պետությանը գործողություններ պարտադրել: Մեղադրողը նշեց. ծրագրվող շենք-շինությունների ցանկում նաև զորամասեր են եղել, որոնք զավթելու համար կազմակերպված խումբը ապօրինի զենք-զինամթերք է ձեռք բերել:
Շարունակվում է ճառի հրապարակումը:
