19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Խոցված ուկրաինական Boeing-ի գործով Իրանում մեղադրանք է ներկայացվել 10 մարդու
Քաղաքականություն
06.04.2021 | 16:05
Իրանում դատախազությունը մեղադրանք է ներկայացրել 10 մարդու 2020 թվականի հունվար ամսին «Ուկրաինայի միջազգային ավիաուղիներ» ավիաընկերության ուղևորատար ինքնաթիռը խոցելու գործով, հայտնում է Associated press-ը։
Քրեական գործով անցնողների ինքնությունը չի բացահայտվում։
Գործակալությունը նշում է, որ մեղադրանքներ ներկայացնելու մասին տեղեկությունները հայտնվել են այն բանից հետո, ինչ ռազմական դատախազ Ղոլամաբբաս Թորկին իր լիազորությունները փոխանցելով Նասեր Սերաժին, հայտարարել է, որ այս գործով մանրակրկիտ հետաքննություն է իրականացվել։
«Մեղադրական եզրակացություն է ներկայացվել ուկրաինական ուղղաթիռի գործով և մանրակրկիտ հետաքննություն է իրականացվել։ Մեղադրանք է ներկայացվել 10 անձի»,- նրա խոսքերն է մեջբերում Mizan գործակալությունը։
Հիշեցնենք՝ անցյալ տարվա հունվարին Թեհրանի մերձակայքում Թեհրան-Կիև թռիչքը իրականացնող «Ուկրաինայի միջազգային ավիաուղիների» ինքնաթիռը Իրանի հակաօդային պաշտպանության ուժերը թյուրիմացաբար ընդունել են որպես թշնամական թիրախ և խոցել են այն: Կործանված օդանավի 167 ուղևորներից և անձնակազմի 9 անդամներից 82-ը Իրանի, 57-ը՝ Կանադայի, 11-ը՝ Ուկրաինայի, 10-ը՝ Շվեդիայի, 10-ը՝ Աֆղանստանի, 3-ը՝ Գերմանիայի և 3-ը՝ Միացյալ Թագավորության քաղաքացիներ էին։
Տաթև Ֆռանգյան
