19.11.2024 | 14:16
Չունենք բավարար քանակի հետազոտություններ, որոնք տնտեսության զարգացմանը նպաստեն․ ԲՈԿ նախագահ․ ՏԵՍԱՆՅՈՒԹ
Շիկահողում բացվել է հրշեջ-փրկարարական կամավորական հենակետ
02.04.2021 | 20:59
Արտակարգ իրավիճակների նախարար Անդրանիկ Փիլոյանը և Փրկարար ծառայության տնօրեն Արմեն Գասպարյանն այսօր այցելել են Սյունիքի մարզ. տեղակացնում է նախարարության մամուլի ծառայությունը:
Շիկահող բնակավայրում բացվել է հրշեջ-փրկարարական կամավորական հենակետ: Շիկահող, Սրաշեն, Ծավ, Ներքին Հանդ և Ճակատեն բնակավայրերից 25 բնակիչ է կամավորագրվել:
Հենակետի աշխատանքների կազմակերպման համար տրամադրվել է հրշեջ մեքենա, որը ԱԻՆ-ի հաշվեկշռից նվիրատվության միջոցով փոխանցվել է Կապան համայնքի հաշվեկշռին: ԱԻ նախարար Անդրանիկ Փիլոյանը, կարևորելով նման հենակետերի ստեղծումը, ընդգծել է, որ այս տարբերակով հնարավոր է լինում արագ արձագանքման միջոցով տարածքի նախնական հրդեհաշիջման աշխատանքները կազմակերպել կամավորական ուժերով՝ մինչև մարզային փրկարարական վարչության ՀՓՋ-ից հրշեջ-փրկարարների ժամանումը: ԱԻ նախարարը և ՓԾ տնօրենը միջոցառման ավարտին մասնակցել են Շիկահողում կազմակերպված ծառատունկին:
Նշենք, որ սահմանամերձ և հեռավոր բնակավայրերում արտակարգ իրավիճակներին արագ և արդյունավետ արձագանքելու նպատակով 3 կամավորական հրշեջ-փրկարարական հենակետեր են ստեղծվել Սյունիքի մարզի Գորայք, Վայոց ձորի մարզի Խաչիկ և Գեղարքունիքի մարզի Արտանիշ բնակավայրերում: Կառավարության որոշմամբ՝ Արմավիրի մարզի Երվանդաշատ, Սյունիքի մարզի Կապան, Գեղարքունիքի մարզի Շողակաթ, Տավուշի մարզի Այրում, Վայոց ձորի մարզի Արենի և Զառիթափ համայնքներին նվիրաբերվել են մեկական հրշեջ ավտոբաքեր:
Ներկայումս Ավստրիական և Հայկական Կարմիր խաչի ընկերությունների հետ համատեղ աշխատանքներ են տարվում՝ Կոտայքի մարզի Գառնի և Լոռու մարզի Մեծ Պարնի համայնքներում կամավորական հրշեջ-փրկարարական հենակետեր ստեղծելու ուղղությամբ:
