31.01.2026 | 20:55
Մայր Աթոռը կոչ է անում ՀՀ իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում
ԵզրաԿացություն. Ո՞րն է Դավիթ Հարությունյանի հիշողության կորուստի պատճառը
Հաղորդաշարեր
08.02.2018 | 18:00
Արդարադատության նախարար Դավիթ Հարությունյանը փետրվարի 1-ից ի վեր, երբ գործադիրը հավանություն տվեց «Կառավարության կառուցվածքի և գործունեության մասին» օրենքի նախագծին, ջանք չի խնայում լրագրողներին համոզելու համար, որ կառավարության նիստերը դռնփակ դարձնելն առավել ժողովրդավարական մոտեցում է և ուղղված է կառավարության աշխատանքի արդյունավետության բարձրացմանը:
Ավելին, Դավիթ Հարությունյանը կասկածի տակ է դնում նախկին վարչապետ Տիգրան Սարգսյանի մղումները. հիշեցնենք, Տիգրան Սարգսյանի նախաձեռնությամբ լրագրողները հնարավորություն ստացան մոնիտորի միջոցով հետևելու կառավարության նիստերի ողջ ընթացքին: Ըստ Դավիթ Հարությունյանի՝ Տիգրան Սարգսյանի այդ քայլը «Ժողովրդավարության հետ աղերս չուներ: Դա ժողովրդավարության տպավորություն էր ստեղծում»:
Նախօրեին Հարությունյանը լրագրողների հետ զրույցում ասաց՝ «Կառավարության նիստերը դռնբաց անցկացնելու արդյունքում մենք այսօր կառավարությունում փաստացի չենք ունենում բանավեճ: Եթե ես սխալվում եմ, խնդրում եմ օրինակ բերեք, ասեք՝ այ գիտեք չորս տարի առաջ տեղի ունեցավ կառավարության մեկ նիստ, երբ տեղի ունեցավ բանավեճ: Ցավոք սրտի՝ դուք չեք կարողանալու հիշեք նման նիստ, երբ տեղի ունեցավ բանավեճ»:
Հատուկ Դավիթ Հարությունյանի համար ներկայացնում ենք ոչ թե չորս, այլ ընդամենը մեկուկես տարի առաջ կառավարության նիստերից մեկի ընթացքում տեղի ունեցած բանավեճը, որի մասնակիցներից մեկն էլ հենց ինքն էր՝ Դավիթ Հարությունյանը: Թե ինչու է Հարությունյանի հիշողությունն այնքան թուլացել, որ նա չի հիշում անգամ սեփական մասնակցությամբ բանավեճերը՝ կարող ենք միայն ենթադրել:
Սևակ Հակոբյան
