30.04.2026 | 16:58
Մերաբ Դվալիշվիլին հայտնել է՝ թե ինչու է հրաժարվել RAF-ում մենամարտել Արման Ծառուկյանի հետ
Սաուդյան Արաբիան, Եգիպտոսը, ԱՄԷ-ն ու Բահրեյնը խզել են Քաթարի հետ դիվանագիտական կապերը՝ ահաբեկիչներին աջակցելու հետ կապված
Քաղաքականություն
05.06.2017 | 11:46
Սաուդյան Արաբիան, Եգիպտոսը, Արաբական Միացյալ Էմիրություններն ու Բահրեյնը խզել են դիվանագիտական կապերը Քաթարի հետ՝ նրան մեղադրելով ահաբեկչությանն աջակցելու մեջ։ Սա տարիների ընթացքում արձանագրված ամենասարսափելի պառակտությունն է արաբական աշխարհի հզոր երկրների համագործակցության խորհրդի անդամների միջև․հայտնում է Reuters-ը։
Քաթարին մեղադրում են աշխարհի ամենահին իսլամիստական շարժմանը՝ «Մուսուլման եղբայրներին» աջակցելու համար։ Բացի այդ, նշվում է, որ Դոհան աջակցել է տարածաշրջանում մրցակից համարվող երկրին՝ Իրանին:
Խզվել է նաև Դոհայի հետ տրանսպորտային կապը, ինչպես նաև այդ երկրներում գտնվող քաթարցիներին 2 շաբաթ ժամանակ են տվել հայրենիք վերադառնալու համար: Քաթարը հեռացվել է նաև Եմենում գրոհայինների դեմ կռվող կոալիցիայից:
«Քաթարն աջակցում է ահաբեկչական բազմաթիվ խմբավորումների («Մուսուլման եղբայրներ», «Իսլամական պետություն», «Ալ Քաիդա»), որոնց նպատակն է խախտել տարածաշրջանային կայունությունը»,-ասված է Սաուդյան Արաբայի պետական լրատվական գործակալության տարածած հայտարարությունում:
