19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Սոցփաթեթի շահառուները կկարողանան ստացած գումարով գնալ մարզասրահ, լողավազան կամ խնայել ու կանխիկացնել․ՏԵՍԱՆՅՈՒԹ
Հասարակություն
01.04.2021 | 17:03
Կառավարությունն ապրիլի 1-ին փոփոխություն է կատարել «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում, որով սահմանվում է, որ սոցփաթեթի շահառուները կկարողանան օգտվել նաև մարզասրահներից և լողավազաններից:
Այսօր հրավիրված ասուլիսում ՀՀ աշխատանքի սոցիալական հարցերի նախարարության Աշխատանքի և զբաղվածության վարչության պետ Ժորա Սարգսյանը պարզաբանում ներկայացրեց, քանի որ առաջարկվող փոփոխության առնչությամբ սոցցանցերում և մամուլում առաջացել է թյուրըմռնում:
Նոր որոշմամբ, սոցփաթեթով արդեն գործող ծառայություններին ավելացվում է ևս երկուսը՝ մարզաառողջարարական ու սպորտային համալիրների, լողավազանների և այլ սպորտային կազմակերպությունների ծառայություններից անվճար օգտվելու հնարավորությունը, ինչպես նաև պետական սուբսիդավորմամբ ուսանողական վարկերի մարումը:
Մինչ այժմ սոցփաթեթը ներառում էր հանգստի ապահովումը, հիփոթեքային վարկի ամսական վճարի մարումը, ուսման վճարի մարումը, շահառուի և շահառուի ընտանիքի անդամի առողջության ապահովագրության լրացուցիչ ծառայությունների նվազագույն փաթեթի ձեռքբերումը:
«Նախագծի ընդունմամբ լրացուցիչ ֆինանսական միջոցների անհրաժեշտություն, պետական բյուջեից ծախսեր չեն նախատեսվում: Ինչպես նախկինում՝ արդեն 8 տարի գործող կարգով սոցփաթեթի շրջանակներում յուրաքանչյուր շահառուի տրվող գումարի չափը մնում է նույնը՝ տարեկան 72 հազար դրամ կամ ամսական՝ 6 հազար դրամ, միայն ավելացել են ծախսման ևս 2 ուղղություն: Շահառուն կարող է նաև խնայել գումարը և կանխիկացնել»,- նշեց Սարգսյանը:
Մանրամասները՝ տեսանյութում:
