18.12.2025 | 14:12
Կճոյանը կդառնա՞ կաթողիկոսական տեղապահ․ Փաշինյանի արձագանքը․ ՏԵՍԱՆՅՈՒԹ
Պարո՜ն Վարդանյան, 2 տարի ունեիք՝ դատական համակարգն առողջացնելու. Արման Բաբաջանյան․ ՏԵՍԱՆՅՈՒԹ
Քաղաքականություն
01.04.2021 | 13:36
Առաջիկա խորհրդարանական ընտրությունը մեր երկրի պետականության, ինքնիշխանության և ժողովրդավարության մեծագույն քննությունն է: ԱԺ արտահերթ նիստում այս մասին հայտարարեց անկախ պատգամավոր Արման Բաբաջանյանը:
«Մենք գնում ենք մեր նորանկախ պետության՝ առանց չափազանցության՝ ամենաճակատագրական համապետական ընտրության՝ նախորդ հանցավոր ռեժիմներին ծառայած ընտրական հանձնաժողովներով և, ամենակարևորը՝ մեր պետությանն ու ժողովրդավարությանը պատերազմ հայտարարած հրեշավոր դատական համակարգով:
Հենց ընտրական ակտիվ այս գործընթացների փուլում, կարծում եմ՝ նշանակալի է ՍԴ-ի դերը՝ կրկին ներկայացնել որպես դատական համակարգի խորհրդանիշ, և այդ համատեքստում ՍԴ-ի վերջին որոշումը հօգուտ գլխավոր ամբաստանյալի: Մի դատարան, որը կոչված է պաշտպանելու մեր երկրի սահմանադրական կարգը, սահմանադրական անվտանգությունը, երբ ձեր ընտրած դատավորների շնորհիվ, հարգելի՛ իշխանություն, մենք ունեցանք ՍԴ, որը պաշտպանեց ոչ թե սահմանադրական կարգը, այլ սահմանադրական կարգը տապալողին, և ինքն այդ որոշմամբ, ըստ էության, տապալեց սահմանադրական կարգը: Եվ այս Սահմանադրական դատարանով մենք գնում ենք ընտրությունների»,- ասաց պատգամավորը:
«Պարո՛ն Վարդանյան, 2 տարի ունեիք՝ դատական համակարգն առողջացնելու: Այսպիսի դատական համակարգով գնալ ընտրությունների, ուղղակի արկածախնդրություն է և մեր երկրի քաղաքացիների նկատմամբ անազնվություն»,- ընդգծեց Բաբաջանյանը:
Մանրամասները՝ տեսանյութում:
