27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Հյուսիսային Կորեայում առաջին անհրաժեշտության ապրանքների ու դեղորայքի սղություն է․ օտարերկրյա դիվանագետները լքում են երկիրը
Քաղաքականություն
01.04.2021 | 17:20
12 պետությունների դիվանագիտական առաքելությունները դադարեցրել են աշխատանքը Հյուսիսային Կորեայում, իսկ միջազգային մարդասիրական կազմակերպությունների օտարերկրյա անձնակազմերը լքել են երկիրը՝ երկրում ստեղծված ծանր իրավիճակի պատճառով, այդ թվում՝ ապրանքների և դեղերի պակասի պատճառով: Այս մասին ֆեյսբուքյան էջում հայտնել է Փհենյանում Ռուսաստանի դեսպանությունը։
Համաձայն այդ տեղեկությունների՝ մարտի 18-ին երկիրը լքել է 38 օտարերկրյա քաղաքացի, և սա «ԿԺԴՀ-ից դիվանագիտական առաքելության աշխատակիցների կոլեկտիվ հեռացման առաջին դեպքը չէ։
«Պարզ է միայն մեկ բան, ցավոք, այստեղից օտարերկրացիների հեռացումը կշարունակվի։ Չնայած նրանք այստեղ գրեթե չեն մնացել՝ ընդամենը 290 մարդ»,- նշված է հայտարարության մեջ։
«Կորեայի մայրաքաղաքից հեռացումը կարելի է հասկանալ․ ոչ բոլորը կարող են դիմանալ իր խստությամբ աննախադեպ տոտալ սահմանափակումներին, անհրաժեշտ ապրանքների սուր սղությանը, այդ թվում նաև դեղորայքի, առողջության հետ կապված խնդիրները լուծելու հնարավորության բացակայությունը»,- պատմել են դեսպանությունից։
Ըստ հայտարարության՝ «Մեծ Բրիտանիայի, Վենեսուելայի, Բրազիլիայի, Գերմանիայի, Իտալիայի, Նիգերիայի, Պակիստանի, Լեհաստանի, Չեխիայի, Շվեդիայի, Շվեյցարիայի, Ֆրանսիայի դարպասնությունների դարպասներին արդեն կողպեքներ են կախված, միջազգային մարդասիրական կազմակերպությունները հեռացել են»:
«Ներկայում Հյուսիսայում Կորեայում իրենց երկրները ներկայացնում են ընդամենը ինը դեսպաններ և չորս ժամանակավոր հավատարմատարներ, իսկ «դեսպանատների մեծ մասի աշխատակազմերը, որոնք դեռ գործում են այստեղ, նվազագույնի են հասցվել»,- նշել են ՌԴ դեսպանությունից:
Տաթև Ֆռանգյան
