18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Մյանմարում բախումներ են սկսվել էթնիկ փոքրամասնությունների ու բանակի միջև․ կան զոհեր ու բազմաթիվ փախստականներ
Քաղաքականություն
01.04.2021 | 14:34
Մյանմարում ՄԱԿ-ի բանագնացի նախազգուշացմանը հաջորդել են սահմանային շրջաններում բանակի և էթնիկ փոքրամասնությունների ապստամբների միջև մարտերի բռնկում: Առնվազն 20 զինվոր է զոհվել և 4 ռազմական բեռնատար ոչնչացվել Մյանմարի ապստամբական ամենահզոր խմբավորումներից մեկի՝ Կաչինի անկախության բանակի (KIA) հետ բախումների արդյունքում, հաղորդում է Reuters-ը՝ վկայակոչելով DVB news-ը:
Ըստ այդ տեղեկությունների՝ Մյանմարի ռազմական ինքնաթիռները սկսել են ռմբակոծել մեկ այլ խմբավորման՝ Կարենի ազգային միության (KNU) դիրքերը։ Սա ավելի քան 20 տարվա ընթացքում առաջին ռմբակոծման դեպքն է, հազարավոր գյուղացիներ փախել են իրենց տներից, նրանց մեծ մասն ապաստանել է Թայլանդում:
Հիշեցնենք, որ Մյանմարում տեղի է ունեցել ռազմական հեղաշրջում, որի ընթացքում զինվորականները ձերբակալել են «Ազգային լիգա հանուն ժողովրդավարության» կուսակցության ղեկավար և պետական խորհրդական Աուն Սան Սու Չժիին, նախագահ Վին Մյինային և այլ բարձրաստիճան պաշտոնյաների: Զինվորական հեռուստատեսությունը հաղորդել է երկրում մեկ տարի ժամկետով արտակարգ դրություն հայտարարելու մասին:
Պետական հեղաշրջման արդյունքում իշխանությունը երկրում անցել է Մյանմարի զինված ուժերի գլխավոր հրամանատար Մին Աունգ Խլայնուին, իսկ նախագահի պաշտոնակատար է դարձել փոխնախագահ Մյինգ Շվեն:
Տաթև Ֆռանգյան
