18.05.2026 | 15:19
Թրամփի հատուկ դեսպանը ժամանել է Գրենլանդիա՝ մասնակցելու բիզնես համաժողովի
Չմշակվող ոռոգելի հողատարածքներ, չօգտագործվող գույք և քաղաքների խորհրդանիշեր. վարչապետի հանձնարարականների թեմաները
Տնտեսություն
08.02.2018 | 12:06
Վարչապետ Կարեն Կարապետյանն այսօր Կառավարության հերթական նիստում մի շարք հանձնարարականներ տվեց նախարարներին: Առաջին հանձնարարականը վերաբերում էր գյուղատնտեսական նշանակության ոռոգելի այն հողատարածքներին, որոնք չեն օգտագործվում:
Վարչապետը տարածքային կառավարման և զարգացման ու գյուղատնտեսության նախարարներին հանձնարարեց, որպեսզի մեկ ամսում կառավարության աշխատակազմ ներկայացնեն գյուղատնտեսական նշանակության ոռոգելի հողամասերի օգտագործման խթանման վերաբերյալ առաջարկություններ: Կարեն Կարապետյանը նաև հանձնարարեց գույքագրել չօգտագործվող անշարժ գույքերը և ցանկը ներկայացնել կառավարության աշխատակազմ:
Մշակույթի նախարարին ու մարզպետներին էլ Կարեն Կարապետյանը հանձնարարեց երկամսյա ժամկետում գիտական ու հասարակական կազմակերպությունների հետ համատեղ ուսումնասիրել ու կառավարության աշխատակազմ ներկայացնել մարզերի ու քաղաքների խորհրդանիշերի, ձևաթղթերի և անհատականացման այլ միջոցների՝ ներկայացվող ընդհանուր պահանջների սահմանման ու դրանց տեղական ինքնակառավարման ու տարածքային կառավարման մարմինների կողմից իրացման վերաբերյալ առաջարկություններ:
Լիլիթ Շաբոյան
