11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Ինչո՞ւ երեխուս տարան, կորցրին, իրե՞նց համար էի ունեցել. անհետ կորածի ծնողը՝ ԱԺ-ում․ ՏԵՍԱՆՅՈՒԹ
Հասարակություն
31.03.2021 | 16:14
Ազգային ժողովում այսօր պատգամավորները հանդիպում են ունեցել անհետ կորած զինծառայողների ծնողների հետ։ Հանդիպումից հետո, լրագրողների հետ զրույցում անհետ կորած Դավիթ Ասոյանի մայրն ասաց, թե հոկտեմբերի 10-ից մինչեւ օրս որեւէ տեղեկություն չունի իր որդու մասին, որը ժամկետային զինծառայող է։
«Երեխուս վերցրեցին, տարան կորցրին, իրե՞նց համար էի ունեցել: 6 ամիս դժոխքի մեջ եմ ապրում: Ինչո՞ւ են պահում իմ երեխուն:
Ես հարց եմ տալիս Գոռ Իշխանյանին, որ երեխաս հայտնվել է ռազմականում, տեղյա՞կ ես… Նա պատասխանում է՝ հնարավոր չէ, որ այդ վաշտից ինչ-որ մեկը ողջ վերադառնար… Էլի դեպքեր կան, որ երեխան հայտնվել է ռազմականում ու անհետացել է»,- նշեց անհետ կորածի մայրը՝ կասկած հայտնելով, որ հնարավոր է թաքցնում են իր որդուն՝ ինչ-որ բան թաքցնելու համար կամ դիտավորյալ հանձնել են թշնամուն նոյեմբերի 11-ին:
Մանրամասները՝ տեսանյութում:
