Մի՛ հակադրեք Սահմանադրությունը բնական իրավունքին. Արտակ Զեյնալյան

Արդարադատության փոխնախարար, հիմնական զեկուցող Սուրեն Քրմոյանը մանրամասնեց՝ «Ներման մասին» նոր օրենքը կարգավորում է դատապարտյալների ներման, ներման խնդրագրերի ներկայացման և քննարկման, ինչպես նաև ներման հրամանագրերի կատարման նկատմամբ վերահսկողության իրականացման հետ կապված հարաբերությունները:

ԱԺ «Ելք» խմբակցության պատգամավոր Արտակ Զեյնալյանը Սուրեն Քրմոյանից հետաքրքրվեց՝ Հայաստանի խորհրդարանն արդյոք չի՞ կարող ստեղծել աշխարհի լավագույն պրակտիկան. «Մենք ունենք ազատազրկումից ազատելու երկու ինստիտուտ՝ վաղաժամկետ ազատման և ներման: Դրանք էապես տարբերվում են իրարից. վաղաժամկետ ազատումը դա խրախուսական միջոց է, հաստատված է իրավագիտությամբ, իսկ ներումը խրախուսական չէ, ներումը հումանիստական է: Դուք գրել եք, որ խրախուսական է, ամեն ինչը կառուցել եք խրախուսականի վրա, դրա համար զրկել եք մարդուն առանց խնդրելու ներվելու իրավունքից, զրկել եք նախագահին առանց խնդրելու ներելու իրավունքից»,- նկատեց Զեյնալյանը:

Ի պատասխան՝ Սուրեն Քրմոյանը նշեց, որ որևէ առարկություն չունեն առաջինից երկրորդ ընթերցման ժամանակ խրախուսական և հումանիտար տերմիների հետ կապված փոփոխություն իրականացնելու հարցում:

«Ինչ վերաբերում է ներվելու իրավունքին, ապա Սահմանադրությանը կհակասենք, եթե մենք առաց խնդրելու ներում շնորհենք, որովհետև դատապարտյալն ունի ոչ թե ներվելու իրավունք, այլ ներում խնդրելու իրավունք»,- պարզաբանեց Քրմոյանը:

Մանրամասները՝ տեսանյութում:

Շողիկ Գալստյան