22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Լրագրողների աշխատանքին առնչվող Արփինե Հովհաննիսյանի նախագիծն ընդունվեց միաձայն
Հասարակություն
08.02.2018 | 10:43
Ազգային ժողովը միաձայն ընդունեց ԱԺ փոխնախագահ, արդարադատության նախկին նախարար Արփինե Հովհաննիսյանի ներկայացրած «Վարչական դատավարության օրենսգրքում փոփոխություն և լրացում կատարելու մասին» ՀՀ օրենքի նախագիծը: Նախագծին կողմ քվեարկեց 98 պատգամավոր:
Հիշեցնենք՝ նախագծով առաջարկվում է դատական նիստի լուսանկարահանումը, տեսաձայնագրումը, ինչպես նաև հեռարձակումը ռադիոյով, հեռուստատեսությամբ կամ համացանցով կատարել դատավարության մասնակից կողմերի համաձայնությամբ և դատարանի թույլտվությամբ:
«Վարչական դատավարության օրենսգրքի» 100-րդ հոդվածի համաձայն՝ այժմ դատական նիստի լուսանկարահանումը, տեսաձայնագրումը, ինչպես նաև հեռարձակումը ռադիոյով, հեռուստատեսությամբ կամ համացանցով կատարվում է դատավարության մասնակցի միջնորդությամբ՝ դատարանի թույլտվությամբ:
Հիմնական զեկուցող Արփինե Հովհաննիսյանը երեկ նախագիծը ներկայացնելիս խոստովանել էր, որ նախագծի ներկայացման ազդակները լրագրողական համայնքից է ստացել:
Շողիկ Գալստյան
