19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
ՃՏՊ Մարտունի-Գավառ ավտոճանապարհին․ կան տուժածներ
Հասարակություն
27.03.2021 | 17:42
Մարտի 27-ին, ժամը 13:12-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Մարտունի-Գավառ ավտոճանապարհի մոտ 13-րդ կմ-ին տեղի է ունեցել ՃՏՊ․ կա տուժած։
ԱԻՆ տեղեկացմամբ՝ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Մարտունի-Գավառ ավտոճանապարհի մոտ 13-րդ կմ-ին, «Toyota Camry» մակնիշի ավտոմեքենան (վարորդ՝ Հ․ Ղ․ ծնված 1974 թ.) դուրս է եկել ավտոճանապարհի երթևեկելի հատվածից և ընկել ճամփեզրի փոսը։
Մինչ փրկարարների կանչի վայր հասնելը, վարորդը և ուղևորներ՝ Ռ․ Ղ․-ն (ծնված 1968 թ.), Լ․ Ղ․-ն (ծնված 1959 թ.) տեղի ուժերով դուրս են բերվել ավտոմեքենայից։
Փրկարարները հոսանքազրկել են ավտոմեքենան, փակել գազի բալոնի փականը և տուժած Ռ․ Ղ․-ին պատգարակով մոտեցրել շտապօգնության ավտոմեքենային։ Տուժածները հոսպիտալացվել են Մարտունի քաղաքի ԲԿ, որտեղ բժիշկները Հ․ Ղ․-ի և Լ․Ղ․-ի առողջական վիճակը գնահատել են միջին ծանրության, իսկ Ռ․Ղ․-ինը՝ կայուն ծանր:
