Դատարանների անկախությանը միջամտություն է. Դավիթ Հարությունյանը՝ օրենքի փոփոխության մասին. ՏԵՍԱՆՅՈՒԹ

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Կարծում եմ՝ յուրաքանչյուր դատավոր ինքը կարող է իր գործունեության վերաբերյալ հստակ գնահատականներ տալ։ Այս մասին լրագրողների հետ զրույցում ասաց դատավոր Դավիթ Հարությունյանը՝ անդրադառնալով հարցին, թե ինչպե՞ս է գնահատում դատական իշխանության անկախությունը։

«Ես իմ մասով կարող եմ ասել։ Նշանակման օրվանից փորձել եմ աշխատել դատավորի երդմանս համապատասխան, և որևէ ճնշում ինձ համար նշանակություն չունի»,- ասաց Հարությունյանը: -Ճնշումներ կարող են լինել և լինում են: Սակայն այնպիսի ճնշումներ, որոնց համար անհրաժեշտ լինի հանցագործության մասին հաղորդում ներկայացնել կամ ԲԴԽ դիմել, իմ հանդեպ չեն եղել։ Ճնշումների տարբեր դրսևորումներ կարող են լինել։ Անձամբ ինձ երբեք չեն փորձել ճնշել»։

Անդրադառնալով օրենսդրական փոփոխությանը, որով ԲԴԽ-ն լրացուցիչ լիազորություններով է օժտվում, Հարությունյանը նշեց. «Չեմ կարծում, թե այդ նախագծի հեղինակները խոր իրավաբանական գիտելիքներ ունեն: Մասնագետները բացասական կարծիք են հայտնել այդ նախագծի մասին: Մասնավորապես մի հանգամանք նշեմ. նախագծում նշված է, որ դատական գործերը դատավորից կարող են վերցնել և փոխանցել ավելի հմուտ դատավորների, այդ ձևակերպումը քննադատության չի դիմանում, այնուհետև ձևակերպումը փոքր-ինչ փոխվեց, բայց եթե այդ դրույթը ուժի մեջ մտնի, չեմ կարծում, թե ԲԴԽ-ն այդպիսի դասակարգմամբ կարող է դատավորներին տարանջատել՝ թեթև գործեր քննող դատավորների կամ ավելի բարդ գործեր քննող դատավորների, նման տարանջատում միջազգային պրակտիկայում չկա:

«Եթե այս պայմաններում ինձնից գործ վերցնեն, ես հանցագործության մասին հաղորդում կներկայացնեմ, դատավորից գործ վերցնելը և մեկ այլ դատավորի փոխանցելը հանցագործություն է, դա միջամտություն է արդարադատությանը»,- ընդգծեց Դավիթ Հարությունյանը:

Օրենսդրական մեկ այլ փոփոխությամբ՝ վարույթ հարուցելու պահանջ ներկայացնողների շրջանակն ընդլայնվում է, և քաղաքացիները կարող են ցանկացած դեպքում դիմել դատավորի դեմ վարույթ հարուցելու պահանջով:

Հարությունյանի գնահատմամբ՝ այդ փոփոխությունն անընդունելի է. «Ամբողջ աշխարհում հայտնի չէ որևէ դեպք, երբ քաղաքացին ստանձնում է մեղադրողի դեր, դա միջնորդավորված է տեղի ունենում… Օրենսդրական այս փոփոխությունը միջամտություն է դատարանների անխախությանը»:

Մանրամասները՝ տեսանյութում: