05.07.2026 | 20:00
Վերջին շրջանում բախվել եմ մեծ ծավալի ատելության խոսքի, տարանջատումն ավելի է խորացել․ արցախցի բլոգեր․ ՏԵՍԱՆՅՈւԹ
Ռեյտինգային ընտրակարգն ավելի ժողովրդավարական է. Էդուարդ Շարմազանով
Քաղաքականություն
06.02.2018 | 18:32
«Ռեյտինգային ընտրակարգով մենք կարողացանք կազմակերպել լավագույն խորհրդարանական ընտրությունները նորագույն պատմության մեջ»,- այսօր խորհրդարանում լրագրողների հետ զրույցում ասաց ԱԺ փոխնախագահ Էդուարդ Շարմազանովը՝ հակադարձելով կոալիցիոն գործընկերոջ՝ ՀՅԴ-ի ունեցած վերապահումներին՝ կապված ռեյտինգային ընտրակարգի հետ:
Հիշեցնենք՝ ՀՅԴ-ն առաջիկայում Ընտրական օրենսգրքում փոփոխություններ կատարելու փաթեթ է ներկայացնելու, որով առաջարկելու է հանել ռեյտինգային ընտրակարգը:
Շարմազանովի խոսքով՝ ՀՀԿ-ն չի պատրաստվում հրաժարվել ռեյտինգային գործող ընտրակարգից: «Ռեյտինգային ընտրակարգն ավելի ժողովրդավարական է, քան փակ կուսակցական ցուցակները, որովհետև ռեյտինգային ընտրակարգով մենք հնարավորություն ենք տալիս, որպեսզի քաղաքացին ինքն ընտրի, թե ցուցակից ով է լինելու իր պատգամավորը, ոչ թե կուսակցության ղեկավարությունը որոշի, որ Պողոս Պողոսյանը պետք է լինի ցուցակում և վերջ», -շեշտեց Շարմազանովը՝ նկատելով, որ այդ փոփոխությունը կանեն այն ժամանակ, երբ համոզվեն՝ ռեյտինգային համակարգը խոչընդոտում է ժողովրդավարության զարգացմանը:
Մանրամասները՝ տեսանյութում:
