14.12.2024 | 19:57
Ինչ իրավիճակ է ճանապարհներին 19։35-ի դրությամբ
ԿԸՀ-ն Պուտինին նախագահի թեկնածու է գրանցել
Քաղաքականություն
06.02.2018 | 15:20
ՌԴ կենտրոնական ընտրական հանձնաժողովը (ԿԸՀ) Վլադիմիր Պուտինին մարտին կայանալիք նախագահական ընտրությունների թեկնածու է գրանցել, հայտնում է ria.ru-ն:
Նշվել է գրանցման ժամանակը՝ 11:25, ապա թեկնածուի վկայականը հանձնվել է նախագահի թեկնածուի վստահված անձ Սերգեյ Կաբիշևին, որը խոստացել է այսօր փաստաթուղթը հանձնել Պուտինին:
«Անցավ ծանր ու կարևոր շրջանը, գրեթե 315 հազար ստորագրություն է հավաքվել (հանձնվել է ԿԸՀ) … Մենք երախտապարտ ենք այն բոլոր ընտրողներին, որոնք վստահել են մեր թեկնածուին», – ավելացրել է Կաբիշևը:
Պուտինն ընտրություններին մասնակցում է որպես ինքնառաջադրված թեկնածու: Գրանցման համար նրան անհրաժեշտ էր հավաքել առնվազն 300 հազար ստորագրություն, որից 7,5 հազարը՝ նույն շրջանից:
Նշենք, որ ՌԴ նախագահական ընտրություններն անց են կացվելու մարտի 18-ին: ՌԴ ԿԸՀ-ն գրանցել է ևս երկու թեկնածուի՝ Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկուն և ՌԴ կոմունիստական կուսակցությունից առաջադրված Պավել Գրուդինինին, որն ի դեպ անկուսակցական է: Եվս հինգ թեկնածու՝ Քսենիա Սոբչակը, Մաքսիմ Սուրայկինը, Գրիգոր Յավլինսկին, Սերգեյ Բաբուրինը և Բորիս Տիտովը սպասում է գրանցման:
