24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Պոլսի Հայոց պատրիարքի ընտրությունների հարցով դատական հայց է ներկայացվել Թուրքիայի ՆԳ նախարարության դեմ
Քաղաքականություն
06.02.2018 | 14:34
Պոլսի Հայոց պատրիարքի ընտրությունները համակարգող մարմինը՝ Ներկայացուցչական ժողովը, դատական հայց է ներկայացել Թուրքիայի ներքին գործերի նախարարության դեմ. փոխանցում է EH-ն:
«Ակօս» հայկական շաբաթաթերթի տեղեկացմամբ՝ Ներկայացուցչական ժողովն իրավունքները վերականգնելու նպատակով դատարան է դիմել այն բանից հետո, երբ նախարարությունը չի պատասխանել պատրիարքի ընտրությունների անցկացման համար ներկայացված դիմումներին:
2017թ մարտի 15-ին Պոլսի հայոց պատրիարքի տեղապահ ընտրված Գարեգին արքեպիսկոպոս Բեքչյանի տնօրինությամբ կազմված Ներկայացուցչական ժողովը 2017 թվականի օգոստոսին Ստամբուլի նահանգապետարանի միջոցով ՆԳՆ էր ուղարկել պատրիարքի ընտրությունների անցկացման համար դիմում, որի մեջ նշված էր նաև ընտրության անցկացման ամսաթիվը: Ընտրությունները համակարգող մարմինը, այս միջնորդության համար պատասխան չստանալով, հիշեցման կարգով ևս մեկ դիմում էր ներկայացրել, որը նույնպես անպատասխան էր մնացել:
«Ակօսը» տեղեկացնում է, որ Ներկայացուցչական ժողովի անդամներից որոշները դեմ են եղել դատարան դիմելուն: Դատարան հայց ներկայացնելու շուրջ քննարկումներից հետո Ներկայացուցչական ժողովի անդամներից Խոսրով Քյոլեդավիթօղլուն, Վարուժան Բուլգան, պատրիարքարանի հոգևոր խորհրդի ներկայացուցիչներ տեր Կորյուն Ֆեներջյանը և տեր Տրդատ Ուզունյանը հրաժարական են տվել:
