14.10.2026 | 22:43
Հայաստանի մի շարք հասցեներում էլեկտրաէներգիայի անջատումներ կլինեն
Էրդողանի այցը Վատիկան և Իտալիա ուղեկցվել է բողոքի ցույցերով
Քաղաքականություն
06.02.2018 | 11:36
Չնայած Թուրքիայի նախագահ Ռեջեփ Թայիփ Էրդողանի վատիկանյան այցի կապակցությամբ 24 ժամով արգելվել էր հանրահավաքների կազմակերպումը, այնուամենայնիվ, մի խումբ մարդիկ կարողացել են բողոքի ցույց իրականացնել. փոխանցում է EH-ն:
Ըստ թուրքական «Mynet» լրատվամիջոցի՝ ցուցարարները, իրենց ձեռքերում պահելով «Քուրդիստանի բանվորական կուսակցության» (ՔԲԿ-PKK) դրոշները, բողոքել են Թուրքիայի գործողություններից Աֆրինում, որտեղ տեղի քրդական ուժերի դեմ Անկարան սկսել է «Ձիթենու ճյուղ» ռազմական օպերացիան։
Բողոքի ցույցն ուղեկցվել է Իտալիայի ոստիկանության հետ բախումներով, որոնց ժամանակ տուժածներ են գրանցվել: Աղբյուրի տեղեկացմամբ՝ կան նույնիսկ ծանր վիրավորներ։
Ոստիկանությունը, արցունքաբեր գազ կիրառելով, փորձել է ցրել ցույցի մասնակիցներին։ Որոշ մարդիկ բերման են ենթարկվել, իսկ վիրավորները հոսպիտալացվել են։
