29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Պատգամավորի ինստիտուտի նկատմամբ ոտնձգություն է տեղի ունեցել. Արտակ Զեյնալյան
Քաղաքականություն
06.02.2018 | 11:18
Ազգային ժողովն այսօր ձայների 7 կողմ, 52 դեմ, 6 ձեռնպահ հարաբերակցությամբ մերժեց 2017 թ. հոկտեմբերի 5-ին պատգամավորներ Արտաշես Գեղամյանի և Նիկոլ Փաշինյանի միջև տեղի ունեցած միջադեպը քննելու համար էթիկայի ժամանակավոր հանձնաժողով ստեղծելու մասին «Ելք» խմբակցության ներկայացրած նախագիծը: Հարցը բացասական եզրակացություն էր ստացել նաև ԱԺ պետաիրավական և մարդու իրավունքների պաշտպանության հանձնաժողովում:
Թեև հարցի զեկուցող, «Ելք» խմբակցության պատգամավոր Արտակ Զեյնալյանը կոչ արեց կողմ քվեարկել, սակայն ապարդյուն: Հարակից զեկուցող, ՀՀ պետաիրավական և մարդու իրավունքների պաշտպանության հարցերի մշտական հանձնաժողովի անդամ Ռուստամ Մախմուդյանը պարզաբանեց՝ հանձնաժողովը բացասական եզրակացություն է տվել նախագծին այն պատճառով, որ դրա վերնագրում խնդիր են տեսել, իսկ նախագծի հեղինակները չեն ընդունել վերնագիրը փոխելու իրենց առաջարկը:
Հիշեցնենք՝ ԱԺ «Ելք» խմբակցության ղեկավար Նիկոլ Փաշինյանը հայտարարել էր, որ ՀՀԿ խմբակցության պատգամավոր Արտաշես Գեղամյանը 2017 հոկտեմբերի 5-ին ԱԺ միջանցքում բռունցքներով հարձակվել է իր վրա։
Մանրամասները՝ տեսանյութում:
