15.11.2024 | 16:37
Դուք պալատական հեղաշրջում կազմակերպեցիք ԼՂ-ում. Արթուր Հովհաննիսյանն՝ ընդդիմությանը․ ՏԵՍԱՆՅՈՒԹ
ԱԺ-ի «դասատուն» և նրա տեղակալը կտրվել են ատեստավորման փուլից. «Հրապարակ»
06.02.2018 | 09:19
«Հրապարակ» թերթը գրում է.
«ԱԺ-ում ծառայողների ատեստավորման հերթական փուլից «կտրվել» է ԱԺ-ի հնաբնակներից մեկը՝ տեղեկատվական վարչության պետ Մարուսյա Ավետիսյանը՝ ԱԺ-ի «դասատուն», ում գրեթե ամեն օր կարելի է տեսնել ԱԺ հյուրընկալած դպրոցականների կամ ուսանողների շրջայց և «Բաց դաս» կազմակերպելիս։
Նա ԱԺ-ում այդ աշխատանքին է 20 տարուց ավելի։ Ուշագրավ է, որ գրավոր թեստը ճիշտ է լրացրել, «կտրվել» է բանավոր քննությունից, չի պատասխանել մասնագիտական 2 հարցի, որից հետո մտերիմներին բողոքել է, որ լավ է պատասխանել։
Բախտը չի ժպտացել նաև նրա տեղակալ Արուսյակ Քանանյանին, ով նույնպես 2000-ականների սկզբից է ԱԺ-ում։ Ատեստավորման մրցութային հանձնաժողովի նախագահը Նաիրա Զոհրաբյանն է, քարտուղարը՝ ԱԺ լրատվականի պետ Արսեն Բաբայանը, անդամները՝ պատգամավոր Գևորգ Գորգիսյանը, աշխատակազմի ղեկավարի առաջին տեղակալ Գագիկ Մխեյանը, իրավաբանական վարչության գլխավոր մասնագետ Լիանա Սիմոնյանը»։
Առավել մանրամասն՝ թերթի այսօրվա համարում:
