26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Վրաց ուղղափառ եկեղեցին պատրաստ չէ ներգրավվել Քովիդ-19-ի դեմ պատվաստման տեղեկատվական արշավում
Քաղաքականություն
17.03.2021 | 22:46
Վրաց ուղղափառ եկեղեցու պատրիարքարանի` հանրային կապերի ծառայության ղեկավար Անդրիա Ջագմաիձեն ֆեյսբուքյան իր էջում գրել է.
«Եկեղեցին չի կարող իր վրա պատասխանատվություն վերցնել` պատվաստման արշավի համար, քանի որ դա առողջապահության ոլորտի պարտականությունն ու պատասխանատվությունն է»:
Նա նաև հիշեցրել է, որ իրենք շարունակում են առաջնորդվել սինոդի` փետրվարի 11-ի որոշմամբ, որով «ողջունվում է այն փաստը, որ պատվաստոմը ինքնակամ է, ոչ թե ստիպողական, հատկապես հիմա, երբ պատվաստանյութը նոր է ստեղծվել, ու դրա մասին տարբեր երկրների առողջապահության ներկայացուցիչները տարբեր կարծիք ունեն»:
Հիշեցնենք` նախօրեին երկրի վարակաբաններն աջակցություն էին խնդրել եկեղեցուց` հորդորելով «կանգնել իրենց կողքին»: Պետությունը տեղեկատվական արշավ է սկսել` «Պատվաստանյութը պաշտպանում է» խորագրով. բնակչությանը կոչ են անում պատվաստվել` վստահեցնելով, որ մասսայական պատվաստումը կանգնեցնելու է պանդեմիան, իսկ 1.5 միլիոն մարդու պատվաստման դեպքում երկիրը կվերադառնա նախկին ռիթմին:
Ըստ պատվաստման ծրագրի` 2021-ին Վրաստանում նախատեսվում է պատվաստել մեծահասակ բնակչության 65 %-ը, կամ 1,6 մլն. մարդ` այլապես երկրում կորոնավիրուսի դեմ պայքարն անարդյունավետ կլինի` գտնում են ոլորտի պատասխանատուները:
