31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Վրաստանում կրակոցներ են հնչել ՄԱՇ-ի կենտրոնական գրասենյակի մոտ. ՆԳՆ-ն հետաքննություն է սկսել
Քաղաքականություն
17.03.2021 | 21:54
Վրաստաում այսօր 10 կրակոց է հնչել ընդդիմադիր «Միացյալ ազգային շարժում» կուսակցության գլխավոր գրասենյակի շենքի վրա, հաղորդում է aliq.ge-ն։
Անհայտ անձն ավտոմեքենայից կրակել է շենքի այն հատվածին, որտեղ Նիկա Մելիայի լուսանկարն է փակցված: Հիշեցնենք` կուսակցության առաջնորդը ձերբակալվել է փետրվարի 23-ին ու գտնվում է Ռուսթավիի քրեակատարողական հիմնարկում:
Միջադեպի ժամանակ գրասենյակում կուսակցության ներկայացուցիչներից են եղել, անվտանգության աշխատակիցներ ու շենքի պահպանմամբ զբաղվող անձնակազմը:
Ականատեսներն ասում են` կրակոցները հնչել են սպիտակ «Տոյոտա Քամրի» մեքենայից: 10 անգամ կրակելուց հետո մեքենան հեռացել է անհայտ ուղղությամբ:
Վրաստանի ՆԳՆ-ն հայտարարություն է տարածել, որի համաձայն՝ կրակոցները, ամենայն հավանականությամբ, հրազենային զենքից են արձակված: Փաստի առթիվ քրեական գործ է հարուցվել` ՔՕ-ի 187 և 236 հոդվածներով (ուրիշի ունեցվածքի վնասելը, հրազենային զենքի ապօրինի ձեռք բերումն և կրելը):
