25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
ՄՕԿ-ը մերժել է ռուսաստանցի 15 մարզիկների մասնակցությունը Փհենչանում կայանալիք Ձմեռային օլիմպիական խաղերին
Քաղաքականություն
05.02.2018 | 11:43
Միջազգային օլիմպիական կոմիտեն (ՄՕԿ) մերժել է ռուսաստանցի 15 մարզիկների (13 մարզիկի ու 2 մարզչի) մասնակցությունը Պհենչանում կայանալիք Ձմեռային օլիմպիական խաղերին, չնայած որ սպորտային արբիտրաժային դատարանը արդարացրել էր նրանց. փոխանցում է iz.ru-ն:
Հիշեցնենք, որ Միջազգային օլիմպիական կոմիտեն ցմահ արգելք էր սահմանել նրանց նկատմամբ՝ դոպինգ օգտագործելու համար, սակայն Ռուսաստանի օլիմպիական կոմիտեն դիմել էր՝ 28 մարզիկների մասնակցությունը թույլատրելու խնդրանքով:
ՄՕԿ-ն արգելել է ռուսաստանցի մարզիկներին իրենց երկրի դրոշի ներքո հանդես գալ Հարավային Կորեայում կայանալիք Ձմեռային օլիմպիական խաղերին, սակայն թույլատրել է 169 ռուսաստանցի մարզիկների հանդես գալ չեզոք դրոշի ներքո, որի վրա պետք է նշված լինի «Օլիմպիական մարզիկներ Ռուսաստանից»:
