18.11.2024 | 20:22
Ամերիկացի սենատորները Բաքվում հայտարարել են, որ սատարում են Հայաստանին և պաշտպանում հայերի՝ ԼՂ վերադառնալու իրավունքը
«HALO Trust»-ի մասին հրապարակումն ուղարկվել է ԱԱԾ՝ սահմանված ընթացակարգով քննարկելու համար․ գլխավոր դատախազություն
Հասարակություն
12.03.2021 | 14:22
Արցախում ականազերծման գործունեությամբ զբաղվող «HALO Trust» բրիտանական ոչ կառավարական կազմակերպության շուրջ մամուլում առաջացած աղմկահարույց տեղեկատվությունը ստուգելու համար ԱՀ դատախազության կողմից այսօր այն ուղարկվել է ԱՀ ազգային անվտանգության ծառայություն` ԱՀ քրեական դատավարության օրենսդրությամբ սահմանված ընթացակարգով քննարկելու համար:
Այս մասին «Արցախպրես» լրատվական գործակալությանը հայտնել են ԱՀ գլխավոր դատախազության մամուլի ծառայությունից։
Հիշեցնենք, որ երեկ՝ մարտի 11-ին, մի շարք լրատվամիջոցներով տարածվել էր ԱՀ Նախագահի հատուկ հանձնարարություններով ներկայացուցիչ Բորիս Ավագյանի հայտարարությունն այն մասին, որ բրիտանական «HALO Trust» ոչ կառավարական կազմակերպությունը, որն Արցախում զբաղվում է բարեգործական աշխատանքով, թուրքական հատուկ ծառայություններին է փոխանցել Արցախում առկա ականապատված տարածքների քարտեզը, որն էլ հնարավորություն է տվել 44-օրյա պատերազմի ժամանակ բարեհաջող հաղթահարել Արցախի ՊԲ-ի պաշտպանական ականապատված տարածքները:
