11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Անապայում հրդեհվել է 8 հարկանի բնակելի շենք․ 300 մարդ տարհանվել է․ կրակի տարածման վտանգը պահպանվում է
Քաղաքականություն
12.03.2021 | 13:46
Անապայում հրդեհվել է 8-հարկանի բնակելի շենք, այս մասին հայտնում է ՌԴ ԱԻՆ մամլո ծառայությունը։ Բնակելի շենքի հրդեհման մասին հայտնի է դարձել ժամը 04:19-ին։ Դեպքի վայր ժամանած հրշեջները պարզել են, որ հրդեհը սկսվել է մանսարդային հարկից։ Ժամը 06։30-ի դրությամբ հրդեհի մակերեսը հասել է 1500 քմ-ի, գրում է ՌԻԱ Նովոստին։
Հրդեհի մարման աշխատանքներին ներգրավվել է 130 մարդ ու 34 միավոր տեխնիկա։ Տուժածների մասին դեռևս տեղեկություններ չկան։
08։50-ի սահմաններում հրդեհը հաջողվել է մեկուսացնել 3,15 հազար քմ մակերեսով տարածքի վրա։ Բնակելի շենքից տարհանել են բնակիչներին։ Այս մասին հայտնել է Կրասնոդարի երկրամասի նահանգապետ Բենիամին Կոնդրատևը։
«300 մարդ տարհանվել է։ Ցավոք, կրակի տարածման վտանգը դեռևս պահպանվում է»,- գրել է նա իր Telegram-ալիքում։
Մանրամասները՝ տեսանյութում:
Տաթև Ֆռանգյան
