15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԵՐԵՎԱՆԻ ԺԱՄԱՆԱԿՈՎ. Փաշինյանը կարողանում է ժողովրդին հասու լեզվով խոսել, որքան էլ ընդդիմությունը փորձում է այդ խոսքից կառչել․ Դավիթ Գյուրջինյան. ՏԵՍԱՆՅՈՒԹ
Քաղաքականություն
10.03.2021 | 20:02
«Այս իշխանության և ժողովրդի մտածումները հիմնականում համընկնում են, իշխանության ընտրած լեզվամիջոցները ժողովրդի սրտին մոտ են․ այդ են վկայում հանրահավաքներում, սոցիալական ցանցերում արտահայտված տարբեր դրսևորումներ։ Նիկոլ Փաշինյանը կարողանում է ժողովրդին հասու լեզվով խոսել, որքան էլ ընդդիմությունը փորձում է այդ խոսքից կառչել»,- Factor TV-ի հետ զրույցում նման տեսակետ է հայտնում լեզվաբան, Լեզվի կոմիտեի նախագահ Դավիթ Գյուրջինյանը՝ անդրադառնալով հարցին, թե որքանով է հաջողվում իշխանությանն ու ընդդիմությանը լեզվական արդյունավետ հաղորդակցություն հաստատել ժողովրդի հետ։
Ինչ վերաբերում է ընդդիմության հռետորաբանությանը, լեզվաբանը նկատում է՝ այդ շարքերը համալրում են ժողովրդից ելած մարդիկ, փորձառու քաղաքական գործիչներ, նախկին իշխանավորներ, միևնույն ժամանակ շեշտում․ «Ընդդիմությունը չկարողացավ իր խոսքով ժողովրդին գրավել, ունեցավ էական սայթաքումներ, որոնք ժողովուրդը երբեք չի ների։ Ընդդիմությունը պիտակավորեց իշխանության կողմնակիցներին, երբեմն էլ՝ ամբողջ ժողովրդին»։
Դավիթ Գյուրջինյանը խոսում է նաև սոցիալական ցանցերում և մեդիայում մեծ տարածում ունեցող հայհոյանքների մասին։
«Մարդիկ իմացան ազատության մասին և սկսեցին չարաշահել այն, չհասկացան դրա գինը։ Նախկինում նրանք բնազդական վախ ունեին,։ Ես կուզեի, որ այսօր ներքին գրաքննությունը կրթվածությամբ պայմանավորված լիներ»,- ասում է նա։
Մեր զրուցակիցն անդրադառնում է նաև Ազգային Ժողովի պատգամավորների լեզվամտածողությանը ներկայում և նախկինում․ «Որակական տարբերությունն ակնհայտ է։ Իհարկե, պետք է ձգտել ավելիին։ Լեզվի կոմիտեն մի քանի նամակ-ամփոփագիր է ուղարկել պատգամավորների խոսքում հաճախ նկատվող սխալների առնչությամբ․ դրանց մեջ մեծ թիվ են կազմում օտար բառերը»։
Հարցազրույցն ամբողջությամբ՝ տեսանյութում։
Աննա Բաբաջանյան
