11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Սերբիայի վարչապետը հայտարարել է երկրում հեղաշրջման փորձի մասին
Քաղաքականություն
08.03.2021 | 18:59
Սերբիայի վարչապետ Անա Բրնաբիչը նախագահ Ալեքսանդր Վուչիչի գաղտնալսումը գնահատել է որպես պետական հեղաշրջման փորձ։ Այս մասին հայտնում է ՌԻԱ Նովոստին։
«Կարծում եմ, որ դա հատուկ ծառայությունների, ու նախ և առաջ՝ ՆԳՆ-ի, ինչպես նաև իշխող կուսակցության ներսում, որին ես պատկանում եմ, մի խմբավորում էր։ Այս խմբավորման մեջ ներառված են նաև քրեական կազմակերպություններ, մաֆիան և Սերբիայի ԶԼՄ-ների մի մասը, ինչպես և արդարադատության համակարգի մի մասը և առանց կասկածի, կա նաև օտարերկրյա ծառայությունների կողմից միջամտություն»,- ասել է Սերբիայի կառավարության ղեկավարը TV Pink-ի եթերում։
Նրա խոսքով՝ դավադիր ուժերը փորձել են հասնել Վուչիչի «ֆիզիկական ոչնչացմանը»։
Սերբիայի Ներքին գործերի նախարարության տվյալներով՝ երկրի նախագահ Ալեքսանդր Վուչիչը գաղտնալսվել է 1572 անգամ։ Ըստ գերատեսչության ղեկավարի՝ նախագահի և նրա ընտանիքի միջև հեռախոսազրույցների ապօրինի գաղտնալսմանը մասնակցել են Ներքին գործերի նախարարության բարձրաստիճան պաշտոնյաներ։ Նրանք հարցաքննվել են, գործն ուղարկվել է դատարան, հայտնել է նախարար Ալեքսանդր Վուլինը։
Սերբիայի առաջնորդին գաղտնալսելու մասին հայտնի է դարձել հունվարին, այն ժամանակ Ներքին գործերի նախարարությունը հայտարարել էր, թե գաղտնալսումների ետևում հնարավոր է կազմակերպված հանցավոր խումբ է կանգնած։
Տաթև Ֆռանգյան
