30.06.2026 | 21:50
ԱՄՆ Գերագույն դատարանը մերժել է ծննդյան իրավունքով քաղաքացիության տրամադրումը սահմանափակելու՝ Թրամփի առաջարկը
ԱՄՆ-ը խոչընդոտել է թուրքական արտադրության 30 ATAK հարվածային ուղղաթիռների մատակարարումը Պակիստան
Քաղաքականություն
08.03.2021 | 17:36
ԱՄՆ-ը խանգարել է թուրքական արտադրության ATAK հարվածային ուղղաթիռների մատակարարումը Պակիստան: Այժմ այդ տենդերը, ամենայն հավանականությամբ, կստանա Չինաստանը։ Այս մասին հայտարարել է Թուրքիայի նախագահի մամուլի քարտուղար Իբրահիմ Քալընը՝ մեկնաբանելով ռուսական հակաօդային պաշտպանության С-400 համակարգերի գնման համար ընդդեմ իր երկրի՝ ԱՄՆ վերջին պատժամիջոցները, գրում է ՌԻԱ Նովոստին։
«ԱՄՆ-ն արգելափակել է մեր կողմից ծրագրված Պակիստանին մարտական ուղղաթիռների վաճառքը։ Սա, ամենայն հավանականությամբ, կհանգեցնի այն բանին, որ տենդերը, որի մասին գնում է խոսքը, կանցնի Չինաստանին, և այստեղ պարտվողը կլինի ԱՄՆ-ը»,- հայտարարել է Քալընը Bloomberg-ին տված հարցազրույցում։
Ինչպես «ՌԻԱ Նովոստիին» հայտնել են Թուրքիայի պաշտպանական արդյունաբերության քարտուղարությունից, 2018 թվականի հուլիսին Թուրքիան ու Պակիստանը 30 ATAK ուղղաթիռների մատակարարման մասին պայմանագիր են ստորագրել, ինչը Թուրքիայի պատմության մեջ պաշտպանական արտադրության միաժամանակյա մատակարարման ամենախոշոր պայմանագիրն է եղել։ Պայմանագրի արժեքը գնահատվել է 1,5 միլիարդ դոլար։ Սակայն պայմանագրի կատարումը հետաձգվել է, քանի որ ԱՄՆ-ը հրաժարվել է Թուրքիային շարժիչների արտահանման լիցենզիա տրամադրել։ ԱՄՆ Կոնգրեսն արգելափակել է ամերիկյան սպառազինության մատակարարումը Թուրքիա, քանի որ վերջինս գնել է ռուսական արտադրության С-400 ՀՕՊ համակարգերը։
Տաթև Ֆռանգյան
