31.10.2026 | 22:55
Հայտնաբերվել է զինծառայողի դի. ՊՆ
Ցուցարարները այրվող անվադողերով ու աղբամաններով արգելափակել են Բեյրութի ելքերն ու մուտքերը
Քաղաքականություն
08.03.2021 | 16:50
Ցուցարարները այրվող անվադողերով ու աղբամաններով արգելափակել են Լիբանանի մայրաքաղաք Բեյրութի հյուսիսից քաղաքի ելքերն ու մուտքերը, հայտնում է Sputnik-ը:
Լրատվական գործակալության թղթակցի փոխանցմամբ ՝ արգելափակված ճանապարհներից մեկը մայրաքաղաքից տանող գլխավոր մայրուղին է:
Լիբանանյան լրատվամիջոցները հայտնում են, որ նման իրավիճակ է ստեղծվել նաև երկրի այլ քաղաքներում: Բացի այդ, ցուցարարները արգելափակում են տրանսպորտային ուղիները նաև Լիբանանի հարավում:
Հավելենք, որ Բեյրութում ցուցարարների ու ոստիկանության միջև անկարգություններն ու բախումները սկսվել են հունվարի 26-ին: Փողոց դուրս եկած քաղաքացիները պահանջում են միջոցներ ձեռնարկել` կյանքի պայմանները բարելավելու և պարետային ժամը վերացնելու ուղղությամբ, որը սահմանվել է երկրում կորոնավիրուսի բռնկման պատճառով: Առաջին վեց օրվա անկարգությունների հետևանքով, ըստ լիբանանյան Կարմիր խաչի, ավելի քան 400 մարդ տարբեր աստիճանի ծանրության վնասվածքներ է ստացել:
Տաթև Ֆռանգյան
