Քոչարյանին կուրացրել է Նիկոլ Փաշինյանի նկատմամբ ատելությունը․ սպանությունները մանկական խաղե՞ր են․ Ժաննա Ալեքսանյան. ՏԵՍԱՆՅՈՒԹ

Լուրեր

27.04.2024 | 20:58
Հետաքրքիր է՝ Սևանի ափին ծիրանի ծառ. Նիկոլ Փաշինյան. ՏԵՍԱՆՅՈՒԹ
27.04.2024 | 20:37
Հայաստանում ժողովրդավարության մակարդակից գո՞հ եք. Փաշինյանը՝ քաղաքացուն. ՏԵՍԱՆՅՈՒԹ
27.04.2024 | 20:00
Լրագրողի մասնագիտական օրինական գործունեությունը խոչընդոտելը քրեորեն պատժելի արարք է. Ժուռնալիստների միություն
27.04.2024 | 19:43
Վանաձորի և Գուգարքի որոշ հասցեներում գազանջատումներ կլինեն
27.04.2024 | 19:26
Մարմնամարզիկ Արթուր Դավթյանը Եվրոպայի առաջնության փոխչեմպիոն է
27.04.2024 | 19:02
Սյունիքում ավտոբուս է գլորվել ձորը. կան զոհեր և տուժածներ. ԹԱՐՄԱՑՎԱԾ
27.04.2024 | 19:00
Որպես որդի և ընկեր կորցրած մարդ` կողմ եմ խաղաղությանը, բայց ոչ այս գնով. Դավիթ Ամալյան․ՏԵՍԱՆՅՈՒԹ
27.04.2024 | 18:33
Սյունիքի մարզում մեքենաներ են բախվել. կա տուժած
27.04.2024 | 18:08
Հայաստանի և Նիդերլանդների միջև առկա են ակտիվ քաղաքական երկխոսություն և սերտ գործընկերություն. ՀՀ նախագահ
27.04.2024 | 17:54
Տարածք կարող է լինել, բայց այդ տարածքը կարող է չլինել միջազգայնորեն ճանաչված. Փաշինյան
27.04.2024 | 17:46
Արարատ Միրզոյանը պաշտոնական այցով կմեկնի Կատար
27.04.2024 | 17:41
Երևանում առաջիկա օրերին ջերմաստիճանը կհասնի +33 աստիճանի
27.04.2024 | 17:12
Հայաստանի երեք մարզերում իրականացվել է գարնանային ծառատունկ
27.04.2024 | 16:43
Երևանի 4 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
27.04.2024 | 16:26
Երևանի Դավթաշեն վարչական շրջանում և Կոտայքի մարզում 24 ժամ ջուր չի լինի
Բոլորը

Factor TVհարցազրույցը «Իրավապաշտպան լրագրողներ՝ հանուն մարդու իրավունքների» կազմակերպության ղեկավար Ժաննա Ալեքսանյանի հետ

-Ռուսական լրատվամիջոցներին տված հարցազրույցում ՀՀ երրորդ նախագահ Ռոբերտ Քոչարյանը նշել է, որ Մարտի 1-ի դեպքերը մանկական վատ խաղեր են այն ամենի դիմաց, ինչ հիմա է կատարվում։ Մեջբերեմ «Ռազմական դրության ռեժիմը պահպանելու ողջ իմաստն այն է, որպեսզի իշխանությանը անվստահություն չհայտնեն»: Ըստ Ձեզ՝ արդյո՞ք այդպես է։

-Ես համաձայն չեմ այդ մտքի հետ։ Ես, տեսնելով այս, այսպես կոչված, ընդդիմության հանրահավաքները, հռետորաբանությունը, ասելիքը՝ շատ վտանգավոր տեքստերով, ձայնով, եթե նույնիսկ բռնություն չի ասվում, ապա ձայնը հենց բռնություն է հիշեցնում։ Անընդհատ զգացում է առաջացնում, որ անկանխատեսելի ինչ-որ բան կարող է տեղի ունենալ։

-Որտեղի՞ց է գալիս այդ զգացողությունը։

-Եթե լսում ես այդ հանրահավաքները, այդ կոչերը, այդ կեղծիքը, սուտը, ամեն ինչ՝ Մարտի 1-ից սկսած մինչև Հոկտեմբերի 27, Նիկոլ Փաշինյանի վրա է դրվում։ Մենք ապրել ենք այդ ժամանակները, ամեն ինչ գիտենք՝ ում համար է դա ասվում, իրենք իրենց են ուզում հավատացնել, երևի։ Հոկտեմբերի 27-ը տեղի է ունեցել Ռոբերտ Քոչարյանի նախագահության օրոք, և նա առնվազն պատասխանատվություն ունի Հոկտեմբերի 27-ի համար։ Շատերն ասում էին՝ դա դրսի ուժերն են և այլն, բայց մարդը եթե պատասխանատվություն ունի, ամենաքիչը պետք է հրաժարական տար, և ոչ թե նրա կողմնակիցները, համակիրներն այսօր դուրս գան և Հոկտեմբերի 27-ը բարդեն Նիկոլ Փաշինյանի վրա։ Նրա վրա այնքան բան կա, որ կարիք չկա ինչ-որ բան բարդելու։ Ուզում եմ ասել, որ այդ հանրահավաքների հռետորաբանությունից տեսնում եմ, թե ինչ ներքին ատելություն, թշնամանք է հորդում ուղղակի, ձայնի երանգները, սպառնալից տոները․․․

-Այսօր ի՞նչ է տեղի ունենում Հայաստանում, որ Ռոբերտ Քոչարյանը դա համեմատում է Մարտի 1-ի հետ և կարծում է, որ դրա համեմատ՝ Մարտի 1-ը մանկական խաղեր են։

-Ուղղակի այս մարդը չի վերահսկում իր խոսքը։ Մարտի 1-ին 10 մարդ է գնդակահարվել։ Ես չեմ լսել, որ Ռոբերտ Քոչարյանը երբևէ ցավակցել է այդ զոհերի համար։ Որքան հիշում եմ ոստիկանի՝ Համլետ Թադևոսյանի դեպքում ինչ-որ տեքստեր ասել է։ Ի՞նչ է նշանակում՝ մանկական խաղեր, այսինքն՝ այդ սպանությունները մանկական խաղե՞ր են։ Չգիտեմ, այդ անհարգալից վերաբերմունքը, որ մշտապես դրսևորվել է․․․ Ամեն ինչից հրաժարվել է, չէ՞, որ ինքը որևէ առնչություն ունի, բայց համեմատություններ ինչո՞ւ է անում, ինչո՞ւ է համեմատում՝ մանկական խաղեր են, մանկական խաղեր չեն։ Այդ ընտանիքները քանդվել են, սգի մեջ են, տառապել են, հետո ի՞նչ, որ ինքը չի տառապել։ Այդ տարրական հարգանքը պետք է լինի այդ ընտանիքների հանդեպ, էլ չեմ ասում՝ իր պատասխանատվությունը։ Ամբողջի համար պատասխանատվությունը կրում է ՀՀ նախագահը։ Դա եղել է իր օրոք։ Ի՞նչ է այսօր կատարվում, թող օրինակներ բերի։ Պատերա՞զմը նկատի ունի։ Իսկ ինքն ինչո՞վ է օգնել կամ իր շրջապատից որևէ մեկը։ Նիկոլ Փաշինյանի հանդեպ ատելությունը կուրացրել է։ Ձևակերպումները, որ արել է, անհարիր է այդպիսի համեմատություն անել։ Շատ վատ է, որ պատերազմն այդպես է ավարտվել, բայց դա միայն Փաշինյանի մեղքը չէ։ Ի՞նչ էր անում զինվորական վերնախավը։ Ամեն զինվորի համար պատասխանատու է զինվորական ղեկավարությունը, հենց շտաբը, որ ղեկավարում էր պատերազմը։ Ի՞նչ մանկական խաղերի մասին է խոսքը, եթե մենք տեսնում ենք գնդակահարության բեմադրություն իրենց կատարմամբ։ Դա սպառնալիք է, բնութադրում եմ որպես ահաբեկչություն։ Իրենք ահաբեկում են իշխանությանը, բայց, օրինակ, ես, երբ լսեցի, ինձ մոտ տագնապներ առաջացան, երեխաներ են ապրում այս քաղաքում։

-Ձեր կարծիքով՝ ի՞նչն էր դրդել իշխանությանը դիպուկահարներ տեղակայել Ազգային ժողովի մոտ։

-Պետք է ասեմ, որ ինձ դա էլ դուր չի գալիս։ Պետք չէ սրել, լարել իրավիճակը։ Կարող են այդ վախերը լինել սպառնալիքներից, գնդակահարության տեսարաններից հետո։ Իրենց թվում է, թե իրենք մենակ են այս քաղաքում՝ իշխանությունը և այս ընդդիմությունը։ Նրանք պիտի դիպուկահարներ դնեն, սրանք՝ գնդակահարեն։ Գնացեք, մի հատ տարածք գտեք ձեր համար, գնդակահարեք, բայց այստեղ մարդիկ են ապրում։ Բաղրամյան պողոտան փակ է, ամբողջ քաղաքը խցանված է, որ ի՞նչ անեք, մարդկանց գնդակահարե՞ք։

Հարցազրույցն ամբողջությամբ՝ տեսանյութում։

Ռոբերտ Անանյան