04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Նախարարը ԵՄ ներկայացուցիչներին է ներկայացրել «Խելացի քաղաքի» կոնցեպտի ներդրմամբ Երևանի երթևեկության բեռնաթափման ծրագիրը
Տնտեսություն
01.02.2018 | 12:14
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ընդունել է ԵՄ ներկայացուցիչներին` Եվրոպական հանձնաժողովի Հարևանության հարցերով գլխավոր տնօրինության Հայաստանի, Ադրբեջանի, Բելառուսի և Արևելյան գործընկերության հարցերով բաժնի ղեկավար Վասիլիս Մարագոսի գլխավորությամբ։
Նախարարը ողջունել է հյուրերին` հույս հայտնելով, որ ընթացիկ ու դեռևս քննարկման փուլում գտնվող համագործակցության ծրագրերը բարեհաջող շարունակություն կունենան։
Վահան Մարտիրոսյանը ներկայացրել է «Խելացի քաղաքի» կոնցեպտի ներդրմամբ Երևանի երթևեկության բեռնաթափման և Հայաստանում տրանսպորտային միասնական համակարգի ծրագրերը։
Նախարարը նշել է, որ այս երկու նախագծերում էլ չափազանց կարևորում է ԵՄ աջակցությունը, քանի որ դրանք իրականացնելու համար ոչ միայն ռեսուրսները, այլև փորձն է շատ կարևոր։
Կողմերն անդրադարձել են նաև ճանապարհային անվտանգության խնդիրներին` քննարկելով համագործակցության շարունակականությունը նաև այս ուղղությամբ։
