22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
Արդարադատության նախարարությունում որևէ ճաշարան չի գործել. Դավիթ Հարությունյանը՝ իր մտերիմների հետ առնչվող հրապարակման մասին
Քաղաքականություն
31.01.2018 | 14:05
Արդարադատության նախարար Դավիթ Հարությունյանը խնդիր չի տեսնում, որ «Պետական կառավարման համակարգի մարմինների մասին» օրինագծի ընդունման դեպքում երկրի կարևորագույն գերատեսչությունները՝ ի դեմս ուժային չորս կառույցների, այսուհետ լինելու են բացառապես մեկ հոգու՝ վարչապետի ենթակայության ներքո:
«Կառավարության որոշակի անդամ պետք է պատասխանատվություն կրի հատկապես այդ կառույցների աշխատանքի համար, դա կարող էր լինել որևէ նախարար կամ վարչապետը, տվյալ դեպքում քաղաքական պատասխանատվությունն իր ուսերին վերցնում է վարչապետը: Խնդիրը այն է, որ ներկայումս գործող համակարգի պայմաններում նրանք հանդիսանում էին կառավարությանն առընթեր մարմին, չունեին անձնավորված քաղաքական պատասխանատու»,- նշեց նախարարը՝ նկատելով՝ ճիշտ ուղով են ընթանում:
Նկատենք՝ նախագծով առաջարկվող փոփոխություններով «վարչապետի ենթակայության մարմինները լինելու են Ազգային անվտանգության ծառայությունը, Ոստիկանությունը, Պետական պահպանության ծառայությունը և Պետական վերահսկողական ծառայությունը:
Մանրամասները՝ տեսանյութում:
