30.06.2026 | 16:03
ՌԴ-ում տաքսու վարորդներն ավելի քիչ են աշխատանքի դուրս գալիս՝ վառելիքային ճգնաժամի ֆոնին
Նյու Յորքում կորոնավիրուսի նոր մուտացված շտամ է լայն տարածում գտել․ NYT
Քաղաքականություն
25.02.2021 | 16:52
Կորոնավիրուսի մուտացված նոր շտամը, որը ենթադրաբար կարող է նվազեցնել պատվաստանյութերի արդյունավետությունը, լայն տարածում է գտել Նյու Յորքում։ Այս մասին հայտնում է New York Times– ը` վկայակոչելով Կալիֆորնիայի տեխնոլոգիական ինստիտուտի և Կոլումբիայի համալսարանի գիտնականների հետազոտությունը:
Գիտնականները հայտնաբերված տարբերակն անվանել են B.1.526։ Նշվում է, որ այն առաջին անգամ հայտնաբերվել է դեռևս նոյեմբեր ամսին քաղաքում վերցված փորձանմուշներում, իսկ փետրվարի կեսերին այն արդեն ավելի լայն տարածում է գտել։
«Դեպքեր ենք հայտնաբերվել Ուեսթչեսթերում, Բրոնքսում, Քուինսում և Ստորին Մանհեթենում, ինչպես նաև Բրուքլինում: Հետևաբար այն լայն տարածում է գտել: Սա մեկուսացված բռնկում չէ», – հայտարարել է Aaron Diamond AIDS հետազոտական կենտրոնի տնօրեն դոկտոր Դեյվիդ Հոն։
Հաղորդվում է, որ Նյու Յորքում տարածված կորոնավիրուսի շտամը նաև մուտացիաներ է պարունակում , որոնք արդեն հայտնաբերվել են այլ երկրներում, այդ թվում նաև Հարավային Աֆրիկայում:
Տաթև Ֆռանգյան
