19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ն սպառնալիք է ԱՄՆ-ի ու նրա եվրոպական դաշնակիցների գոյության համար․ Պենտագոն
Քաղաքականություն
25.02.2021 | 11:53
Ռուսաստանը, չնայած իր նկատմամբ կիրառվող տնտեսական պատժամիջոցներին, շարունակում է սպառնալիք մնալ ԱՄՆ-ի ու նրա եվրոպական դաշնակիցների գոյության համար: Ռազմաօդային ուժերի ասոցիացիայի ֆորումի ժամանակ նման հայտարարությամբ է հանդես եկել ԱՄՆ եվրոպական հրամանատարության ղեկավար, գեներալ Թոդ Ուոլթերսը, գրում է ՏԱՍՍ-ը։
«Մենք ապրում ենք գերտերությունների մրցակցության ժամանակաշրջանում: Հաղթանակն այժմ երաշխավորում է, որ մեծ տերությունների միջև մրցակցությունը չի վերաճի գլոբալ պատերազմի։ Չնայած շարունակվող տնտեսական պատժամիջոցներին, Ռուսաստանը վարում է ապակայունացնող և չարամիտ գործողություններ աշխարհում, ընդ որում՝ գործողությունների մեծ մասը տեղի են ունենում Եվրոպային մոտ»,- հայտարարել է Ուոլթերսը:
Ըստ նրա՝ Մոսկվան փորձում է «բաժանել և թուլացնել Միացյալ Նահանգների գործընկերներին և դաշնակիցներին»:
«Ռուսաստանը շարունակում է մնալ մշտական սպառնալիք ԱՄՆ-ի և մեր եվրոպական դաշնակիցների գոյության համար», – նրա խոսքերն է մեջբերել Պենտագոնի մամուլի ծառայությունը:
Միևնույն ժամանակ, գեներալը կարծում է, որ Ռուսաստանը և Չինաստանը «շարունակում են ռազմականացնել Արկտիկան» և փորձում են տնտեսական հիմք ստեղծել տարածաշրջանային ազդեցության համար:
Տաթև Ֆռանգյան
