15.10.2026 | 13:59
Բենզալցակայանի քանդման պատճառը Մեսրոպ Մանուկյանը չէ, այն ինքնակամ է. Աջափնյակի թաղապետ. ՏԵՍԱՆՅՈՒԹ
Թրամփի վարչակազմը խստացրել է ԱՄՆ մուտքի արտոնագրեր տալու կանոնները. Reuters
Քաղաքականություն
01.06.2017 | 20:22
ԱՄՆ-ի նախագահ Դոնալդ Թրամփի վարչակազմը խստացրել է ԱՄՆ մուտքի արտոնագրեր տալու համար ստուգումների կանոնները՝ նոր հարցարան հաստատելով հայցորդների համար: Այն ներառում է մի շարք նոր կետեր, այդ թվում՝ այն անվանումները նշելու խնդրանքը, որոնց ներքո նրանք էջեր են գրանցել սոցիալական ցանցերում. տեղեկացնում է Reuters-ը:
Նոր կանոնների համաձայն՝ ԱՄՆ-ի հյուպատոսությունների աշխատողները վիզա ստանալ ցանկացողներին հարցնելու են նրանց բոլոր նախկին արտասահմանյան անձնագրերի համարները, սոցցանցերում էջերի անվանումները, որոնցից նրանք օգտվել են վերջին հինգ տարում, ինչպես նաև 15 տարվա ընթացքում նրանց մանրամասն կենսագրությունը, ներառյալ աշխատանքի տեղավորման և աշխարհում ուղևորությունների վերաբերյալ տվյալները: Այդ հարցերը հարցարանում նշված են որպես ոչ պարտադիր, սակայն դրանում ասված է, որ պատասխանների բացակայությունը կարող է հանգեցնել վիզա տալու ուշացման կամ դրա մերժման պատճառ:
