15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
ՄԱԿ-ը մտահոգված է Աֆրինում Թուրքիայի գործողություններից
Քաղաքականություն
30.01.2018 | 19:26
ՄԱԿ-ը մտահոգված է մամուլում շրջանառվող այն լուրերից, որոնց համաձայն ՝Թուրքիայի օդուժի կողմից Աֆրինում իրականացվող հրթիռակոծությունների ժամանակ զոհվում է խաղաղ բնակչություն. փոխանցում է EH-ն:
Ըստ թուրքական «Diken» պարբերականի՝ այդ մասին հայտնել է ՄԱԿ-ի գլխավոր քարտուղարի խոսնակ Ֆարհան Հաքը:
«Հարձակումները ազդեցություն են ունենում խաղաղ բանկչության վրա: Երեկ լսեցինք, որ Սեյհ, ալ Հադիդդ և Քոբալի գյուղերի վրա հարձակումներ են իրականացվել: Լուրերի համաձայն՝ մի քանի մարդ է զոհվել, այդ թվում կանայք և երեխաներ»,-ասել է Հաքը:
Վերջինիս Սիրիայում հակամարտող կողմերին կոչ է արել անել հնարավոր բան, որ ՄԱԿ-ը կարողանա հումանիտար օգնություն ցացեբերել խաղաղ բնակչությանը:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
