19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
ՄԱԿ-ը կոչ է արել հնարավորինս արագ հետաքննել Կոնգոյում Իտալիայի դեսպանի սպանությունը
Քաղաքականություն
23.02.2021 | 20:46
Խուտու ապստամբները հայտարարել են, որ իրենք ոչ մի առնչություն չունեն Կոնգոյի Դեմոկրատական Հանրապետության արևելքում ՄԱԿ-ի ավտոշարասյան վրա հարձակման հետ, ինչի հետևանքով սպանվել էր Իտալիայի դեսպան Լուկա Աթանազիոն ու նրան ուղեկցող անվտանգության աշխատակիցն ու վարորդը։ 3 ուղևորների ճակատագրի մասին դեռևս ոչինչ հայտնի չէ, գրում է Euronews-ը։
Ավելի վաղ երկրի ՆԳՆ-ն հարձակման կազմակերպման մեջ մեղադրել էր «Հանուն Ռուանդայի ազարագրման դեմոկրատական ուժեր» ծայրահեղական ապստամբ խմբավորման անդամներին։
«ՄԱԿ-ի գլխավոր քարտուղարը կոչ է անում Կոնգոյի Դեմոկրատական Հանրապետությանը հնարավորինս արագ հետաքննել այս սարսափելի հարձակումը ՄԱԿ-ի առաքելության վրա ու դրա կազմակերպիչներին պատասխանատվության ենթարկել»։ Նա վերահաստատել է, որ ՄԱԿ-ը կշարունակի Կոնգոյի իշխանություններին ու ժողովրդին աջակցություն ցուցաբերել երկրում՝ հատկապես արևելքում, խաղաղություն ու կայունություն հաստատելու հարցում»։
Հավելենք, որ սպանված դեսպան Լուկա Աթանազիոն ծնվել էր Իտալիա Լոմբարդիա մարզում։ Նա ուներ կին և 3 երեխա։ Կինշասայում Իտալիայի դեսպան էր նշանակվել 2017 թվականին։
Հիշեցնենք՝ դեսպանի վրա հարձակումն իրականացվել էր Վիրունգա արգելոցի տարածքում։ Դեսպանը գնում էր դպրոց, որտեղ պետք է տեղի ունենար դպրոցի ճաշարանի կառուցման նախագծի ցուցադրությունը։
Համաձայն դիտորդական գնահատականների՝ Կոնգոյի արևելքում գործում է 122 զինված խմբավորում։ Դրանց մի մասը զբաղվում է տեղի բնակչությանը թալանելով, ինչպես նաև վերահսկում է երկրի սահմանամերձ շրջաններում ոսկու ապօրինի արդյունահանումը։
Տաթև Ֆռանգյան
