30.06.2026 | 22:20
Էրդողանն արձագանքել է Իսրայելի կառավարության՝ Հայոց ցեղասպանության ճանաչման որոշմանը
Հայաստանում գրանցված ամերիկյան արտադրության Boeing 737 ինքնաթիռը փոխանցվել կամ վաճառվել է Իրանին. Սուրեն Սարգսյան
Քաղաքականություն
23.02.2021 | 10:53
Միջազգայնագետ Սուրեն Սարգսյանը ֆեյսբուքի իր էջում գրել է, որ դեռևս անհայտ հանգամանքներում Հայաստանում գրանցված ամերիկյան արտադրության Boeing 737 ինքնաթիռը փոխանցվել կամ վաճառվել է Իրանին:
«Դեռևս չպարզված հանգամանքներում, Հայաստանում գրանցված՝ ամերիկյան արտադրության Boeing 737 ինքնաթիռ է հայտնվել Իրանում: Այն փոխանցվել կամ վաճառվել է Իրանին դեռևս անհայտ հանգամանքներում և զարմանալի է, թե ինչպես են ավիացիոն իշխանությունները թուլատրել դա, հաշվի առնելով Իրանի դեմ գործող միջազգային սանկցիաները:
Ինքնաթիռն օրեր առաջ պետք է վայրէջք կատարեր Հայաստանում, սակայն իջեցվել է Թեհրանում:
Զուտ հիշեցնեմ, որ ցանկացած ընկերություն (պետություն), որը Իրանին կփոխանցի կամ կվաճառի այն ապրանքատեսակները, որոնք արգելված են ամերիկյան օրենսդրությամբ, կարող է հայտնվել ամերիկյան պատժամիջոցների տակ:
Այս խառը վիճակում մեզ միայն սա էր պակաս»:
