20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
ԱՄՆ-ի «Կրեմլյան զեկույցում» ներառվել են Պուտինի 210 մերձավորները. Պետդեպը հրապարակել է ցուցակը
Քաղաքականություն
30.01.2018 | 11:06
ԱՄՆ Ֆինանսների նախարարությունը հրապարակել է, այսպես կոչված, «կրեմլյան զեկույցը», որում ներառվել են ՌԴ նախագահ Վլադիմիր Պուտինի մերձակա շրջապատից 210 անուն։ Ցուցակում հայտնվածներից 114-ը ՌԴ քաղաքական գործիչներ են, 96-ը՝ գործարարներ, որոնց կարողությունը կազմում է ավելի քան 1 մլրդ դոլար. փոխանցում է kommersant.ru-ն:
Ցուցակում ներառվել են ՌԴ վարչապետ Դմիտրի Մեդվեդևի, առաջին փոխվարչապետ Իգոր Շուվալովի, փոխվարչապետ Դմիտրի Կոզակի, ՌԴ մամուլի քարտուղար Դմիտրի Պեսկովի անունները, ինչպես նաև պաշտպանության նախարար Սերգեյ Շոյգուի, տնտեսական զարգացման հարցերով նախարար Մաքսիմ Օրեշկինի և այլ նախարարների անուններ։ Գործարարներից ցուցակում հայտնվել են Ռոման Աբրամովիչը, Սուլեյման Քերիմովը, Ալիշեր Ուսմանովը, Արկադի և Բորիս Ռոտենբերգները, Գենադի Տիմչենկոն և այլք։
Հավելված «Բ»-ում՝ «օլիգարխներ» հատվածում, ներառված են ռուսաստանաբնակ 3 հայ գործարարների անուններ. Սամվել Կարապետյան, Դանիլ Խաչատուրով և Սերգեյ Գալիցկին- Հարությունյան:
Հիշեցնենք, որ ԱՄՆ Պետդեպարտամենտը հայտարարել էր, որ հունվարի 30-ից Վաշինգտոնը կարող է պատժամիջոցներ կիրառել օտարերկրյա ընկերությունների կամ մարդկանց նկատմամբ՝ «Ռուսաստանի պաշտպանության կամ հետախուզության ոլորտի կազմակերպությունների կողմից կատարված գործարքների համար»: Ավելի վաղ ԱՄՆ-ի Պետդեպարտամենտը և ԱՄՆ Գանձապետարանը Կոնգրեսին ներկայացրել էին պատժամիջոցների գործողության մասին «գաղտնի զեկույց», որը, սակայն, չի հրապարակվել:
