29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Որսի ժամանակ քաղաքացին պատահաբար հրազենային վիրավորում է ստացել
30.01.2018 | 10:42
Հունվարի 29-ին՝ ժամը 2.45-ին, հիվանդանոցից ոստիկանության Ապարանի բաժին հաղորդում է ստացվել, որ «ձախ ազդրի առաջնային կողմնային մակերեսի, ձախ աճուկային շրջանի հրազենային վիրավորում» ախտորոշմամբ իրենց մոտ է տեղափոխվել 1985 թ. ծնված Սմբատ Ա.-ն:
Մեկնած օպերատիվ խումբը պարզել է, որ Սմբատ Ա.-ն վնասվածքը ստացել է նույն օրը, ժամը 2.30-ի սահմաններում, «Նիգավանի աղբանոց» կոչվող տարածքում 1980 թ. ծնված Վարդգես Գ.-ի հետ որսի ժամանակ, վերջինիս պատկանող որսորդական հրազենից պատահաբար կրակվելու հետևանքով:
Ժամը 3.00-ին Վարդգես Գ.-ն բերման է ենթարկվել բաժին և տվել բացատրություն:
Սմբատ Ա.-ն ի վիճակի չի եղել բացատրություն տալու:
Հրազենը վերցվել է:
Նշանակվել են դատաձգաբանական և դատաբժշկական փորձաքննություններ:
