08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Որքան ավտորիտար է պետությունը, այնքան խիստ է քրեականացված վիրավորանք-զրպարտությունը. փորձագետ. ՏԵՍԱՆՅՈՒԹ
Հասարակություն
19.02.2021 | 14:07
Վիրավորանքի և զրպարտության քրեականացումը բավական դաժան մեթոդ է այն անձի նկատմամբ, ով ցանկացել է հայտնել իր կարծիքը. անկախ նրանից՝ այդ կարծիքը որքանով է տարբերվող, վիրավորող, սադրող կամ զրպարտող, միևնույն է, դա կարծիք է: Այս մասին «Պաշտոնյաներին վիրավորելն ու զրպարտելը կքրեականացվի՞․ ինչու են նախաձեռնվում հակաժողովրդավարական քայլեր» թեմայով առցանց քննարկման ժամանակ նշեց Իրավունքի գերակայություն ՀԿ փորձագետ, փաստաբան Դավիթ Ասատրյանը:
«Վիրավորանքի և զրպարտության քրեականացումն առաջին հերթին առաջացնում է վախի մթնոլորտ և սահմանափակում է դիսկուրսը, այդ թվում նաև քաղաքական»,- նշեց փաստաբանը՝ հավելելով, որ դա կարող է խոչընդոտել խոսքի ազատության լայն կիրառումը»:
Փաստաբանն անդրադառնալով միջազգային փորձին՝ նշեց, որ որքան ավտորիտար է պետությունը, այնքան խիստ է քրեականացված վիրավորանք-զրպարտությունը:
Հիշեցնենք՝ Գլխավոր դատախազությունն առաջարկում է քրեականացնել զպարտությունն ու վիրավորանքը, եթե դրանք ուղղված են իշխանության ներկայացուցչին, պետական կամ համայնքային քաղաքական պաշտոնյանին ու կապված են նրանց ծառայողական պարտականությունների հետ։
Հայաստանում զրպարտությունն ու վիրավորանքը ապաքրեականացվել են 2010-ին։ Այն ժամանակ կառավարությունը հաշվի էր առել ԵԽԽՎ-ի կոչն անդամ պետություններին։
Մանրամասները՝ տեսանյութում:
