24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Բաքվում կալանավորել են Թբիլիսիում առևանգված ադրբեջանցի լրագրողին
Հասարակություն
01.06.2017 | 17:45
Բաքվի դատարանը Թբիլիսից առևանգված ադրբեջանցի լրագրող Աֆղան Մուխտարլիի նկատմամբ խափանման միջոց է ընտրել կալանքը: Այս մասին նրա փաստաբան Էլչին Սադիգովն ասել է Turan գործակալությանը՝ նշելով, որ լրագրողին կալանավորել են 3 ամիս ժամկետով։
Փաստաբանն ասել է, որ իր պաշտպանյալին մեղադրանք է առաջադրվել՝ սահմանապահի նկատմամբ բռնության կիրառելով դիմադրություն ցույց տալու հիմնավորմամբ, մինչդեռ Մուխտարլին ասել է, որ չի տեսել որևէ սահմանապահի, և որ իրեն ձերբակալած անձինք եղել են Վրաստանի քրեական ոստիկանության աշխատակիցների համազգեստով:
Նշենք, որ Աֆղան Մուխտարլին 2015 թվականից ի վեր ստիպված է եղել բնակություն հաստատել Թբիլիսիում: Օրեր առաջ նա անհետացել էր, ինչի կապակցությամբ ընտանիքը դիմել էր ոստիկանությանը: Ավելի ուշ նա հայտնվել էր Բաքվում և ձերբակալվել:
